ନୂଆ ଅବକାରୀ ନୀତିରେ ନିଶା ନିୟନ୍ତ୍ରଣକୁ ଗୁରୁତ୍ବ

ଆସିଲା ନୂଆ ଅବକାରୀ ନୀତି । ବନ୍ଦ ହେଲା ଡାନ୍ସ ବାର୍, ଖୋଲିବନି ନୂଆ ମଦ ଦୋକାନ । ଗ୍ରାମାଞ୍ଚଳରେ ବାର୍‌କୁ ମିଳିବନି ଅନୁମତି । କେବଳ ଥ୍ରୀ-ଷ୍ଟାରରୁ ଅଧିକ ହୋଟେଲ୍‌କୁ ବାର୍ ଅନୁମତି ମିଳିବ । ବାର୍‌ରେ ନାଚ ଉପରେ ରୋକ୍ ଲାଗିଥିବା ବେଳେ ମହିଳାମାନେ କିନ୍ତୁ ଗୀତ ପରିବେଷଣ କରିପାରିବେ । ସବୁଠୁ ବଡ଼ କଥା ହେଲା ପ୍ରଥମ ଥର ପାଇଁ ନିଶା ବିରୋଧୀ ସଚେତନତା ପାଇଁ ୧୦୦ କୋଟି ଟଙ୍କାର ପାଣ୍ଠି ଗଠନ କରାଯାଇଛି । ଗାଁରୁ ଆରମ୍ଭ କରି ସହରାଞ୍ଚଳ ଯାଏ ସବୁଠି ନିଶା ବିରୋଧୀ ସଚେତନତା କାର୍ଯ୍ୟକ୍ରମ କରାଯିବ। ଏଥିପାଇଁ ପାଣ୍ଠିରୁ ଅର୍ଥ ଖର୍ଚ୍ଚ କରାଯିବ । ସେହିପରି ଭାଙ୍ଗ, ତାଡ଼ି ଓ ପୋଚ ପାଇଁ ବି ନିୟମ କଡାକଡି କରାଯାଇଛି । ବିନା ଅନୁମତିରେ ବିକ୍ରି କଲେ କଡ଼ା କାର୍ଯ୍ୟାନୁଷ୍ଠାନ ହେବ ।