ଯାଜପୁରରେ ଫାଟୁଛି ଶଙ୍ଖ, ମୋହନ ପୋତୁଛନ୍ତି ପଦ୍ମ ଡଙ୍କ

ନବୀନଙ୍କ ଆସନ ନେଲେ । ଏବେ ବବିଙ୍କ ଗଡ଼ ଉପରେ ନଜର । ଯାଜପୁରରେ ଫାଟୁଛି ଶଙ୍ଖ । ମୋହନ ପୋତୁଛନ୍ତି ପଦ୍ମ ଡଙ୍କ । ବିଜେପିକୁ ସୁଦୃଢ଼ କରିବାକୁ ଏଥର ମିଶନ୍‌ ଯାଜପୁର ଯେମିତି ଆପଣାଇଛି ବିଜେପି । ବବିଙ୍କ ସମସ୍ତ ପ୍ରାଧାନ୍ୟ ଏରିଆରେ ପଦ୍ମ ପୋଖରୀ କରିବାକୁ ଏବେ ଆଣ୍ଟା ଭିଡିଛି ଗେରୁଆ ଦଳ । ବାରମ୍ବାର ଦଳୀୟ କାର୍ଯ୍ୟକ୍ରମ ରଖି ବିଜେଡି ଗଡ଼ ଭୁଶୁଡ଼ାଇବା ସହ ଦଳରେ ଶହ ଶହ ବିଜେଡି କର୍ମୀଙ୍କୁ ସାମିଲ କରାଯାଉଛି । ଆଉ ମୁଖ୍ୟମନ୍ତ୍ରୀ ମୋହନ ମାଝୀ ମଧ୍ୟ ଯାଜପୁରର ବିଭିନ୍ନ କାର୍ଯ୍ୟକ୍ରମରେ ଯୋଗଦେଉଛନ୍ତି । ସେପଟେ ମୋହନଙ୍କ ଶନିବାର ଗସ୍ତର ମାତ୍ର ଦିନଟିଏ ପୂର୍ବରୁ ବିଜେଡିର ଅନେକ ନେତା ବିଜେପିରେ ସାମିଲ ହୋଇଛନ୍ତି ।