ଗଞ୍ଜାମ ବିଜେପି କନ୍ଦଳ ପଛରେ ରହିଛି କି ବିଜେଡି ହାତ ?

ଗଞ୍ଜାମ ବିଜେପିର କନ୍ଦଳ ପଛରେ ବିଜେଡିର ହାତ ଅଭିଯୋଗ । ଗତ ୨୮ ତାରିଖରେ ବ୍ରହ୍ମପୁରରେ ବିଜେପି ନେତାଙ୍କ ଉପରକୁ ଯେଉଁ କାଳିମାଡ଼ ହୋଇଥିଲା ତାହା ଶଙ୍ଖ ଦଳର ପ୍ରରୋଚନାରେ ହୋଇଥିବା ଚର୍ଚ୍ଚା ହେଉଛି । କାରଣ ବିଜେପି କର୍ପୋରେଟର୍ ନୀଳକଣ୍ଠ ସାହୁ SPଙ୍କ ପାଖରେ ଫେରାଦ ହେବାକୁ ଯାଇଥିବା ବେଳେ ତାଙ୍କ ସହ ନିଜ ଦଳର କର୍ପୋରେଟର ବଦଳରେ ବିରୋଧୀ ବିଜେଡିର ଅନେକ କର୍ପୋରେଟର ଥିଲେ । ଯାହାକୁ ନେଇ ତେଜିଛି ଜିଲ୍ଲା ରାଜନୀତି । ଗଂଜାମ ଜିଲ୍ଲାରେ ବିଜେପିର ଶକ୍ତିବୃଦ୍ଧିକୁ ଚେକ୍ ଦେବାକୁ ବିଜେଡି ଗେମ୍ ପ୍ଲାନର ଏହା ଏକ ଅଂଶ ବୋଲି ଚର୍ଚ୍ଚା ହେଉଛି ।