ପୂର୍ବତନ ବିଧାୟକଙ୍କ ଉପରୁ ବାସନ୍ଦାଦେଶ ହଟାଇଲା ବିଜେ

ଦୁର୍ନୀତି ଅଭିଯୋଗ ଆଣି ବହିଷ୍କାର କଲେ। ଆଉ ବର୍ଷେ ପରେ ପୁଣି ଥରେ ଆପଣାଇଲେ। ଦୁର୍ନୀତି ପାଇଁ ରେମୁଣାର ତତ୍କାଳୀନ ବିଜେଡି ବିଧାୟକ ସୁଧାଂଶୁ ପରିଡାଙ୍କୁ ନବୀନ ଦଳରୁ ବହିଷ୍କାର କରିଥିଲେ। ମାତ୍ର ଏବେ ତାଙ୍କ ଉପରୁ ବହିଷ୍କାର ଆଦେଶ ପ୍ରତ୍ୟାହାର କରାଯାଇଛି। ଚର୍ଚ୍ଚା ହେଉଛି ବାଲେଶ୍ବର ସଂଗଠନ ବିଗୁଡୁ ଥିବାରୁ ଦଳ ସୁଧାଂଶୁଙ୍କୁ ହିଁ ଆଶ୍ରା କରିଛି। ଦଳର ଅନ୍ୟ ବିଧାୟକଙ୍କ ଯୁକ୍ତି ସଂଗଠନ ମଜବୁତ ପାଇଁ ବିଜୁ ଲିଗାସି ନେତାଙ୍କୁ ଖୋଜି ଦଳକୁ ଫେରାଇବାର ଆବଶ୍ୟକତା ଅଛି। ଅନ୍ୟପଟେ ବିଜେପି ଓ କଂଗ୍ରେସ ପାଲଟା ପ୍ରଶ୍ନ କରିଛନ୍ତି, ବର୍ଷକରେ ଜନବିରୋଧୀରୁ ଜନପ୍ରିୟ କେମିତି ହୋଇଗଲେ ସୁଧାଂଶୁ।