ଶ୍ରଦ୍ଧାଳୁଙ୍କ ଅସମ୍ଭାଳ ଭିଡ଼କୁ ନେଇ ଚିନ୍ତା ପ୍ରକାଶ କଲେ ଗଜପତି ମହାରାଜା ଦିବ୍ୟସିଂହ ଦେବ

ଶ୍ରୀମନ୍ଦିର ଭିତରେ ମହାପ୍ରଭୁଙ୍କ ଦର୍ଶନ ବେଳେ ଶ୍ରଦ୍ଧାଳୁଙ୍କ ଅସମ୍ଭାଳ ଭିଡ଼କୁ ନେଇ ଚିନ୍ତା ପ୍ରକାଶ କଲେ ଗଜପତି ମହାରାଜା ଦିବ୍ୟସିଂହ ଦେବ। ଓଟିଭିକୁ ଦେଇଥିବା ସ୍ୱତନ୍ତ୍ର ସାକ୍ଷାତକାରରେ ଗଜପତି ମହାରାଜା କହିଛନ୍ତି ଯେ, ଶ୍ରୀମନ୍ଦିର ବାହାର କାମ ତ ହୋଇଗଲା । ହେଲେ ଶ୍ରୀମନ୍ଦିର ଭିତରେ ବିଶେଷ କରି ଜଗମୋହନ ଓ ନାଟମଣ୍ଡପରେ ବି ଶ୍ରଦ୍ଧାଳୁଙ୍କ ଦର୍ଶନ ସୁବ୍ୟବସ୍ଥିତ ହେବା ନିତାନ୍ତ ଆବଶ୍ୟକ। ଏଥିପ୍ରତି ଯଥାଶୀଘ୍ର ଶ୍ରୀମନ୍ଦିର ପ୍ରଶାସନ ଗୁରୁତ୍ୱ ଦେବା ଉଚିତ। କେବଳ ଏତିକି ନୁହେଁ, ଅର୍ପଣ ରଥ ପ୍ରସଙ୍ଗରେ କହିଛନ୍ତି, ଏହାକୁ ରଥଯାତ୍ରା କହିବାନି, ଏହା ଏକ ପ୍ରଚାର ଯାତ୍ରା। ଗୁଆ ଚାଉଳ ସଂଗ୍ରହ ନେଇ ପରିଚାଳନା କମିଟି କହି ନାହିଁ । ସରକାରଙ୍କ ସ୍ତରରେ ତାହା କରାଯାଉଛି ଏବଂ ଏଥିରେ ଶ୍ରୀମନ୍ଦିର ପରିଚାଳନା କମିଟି ସଂଶ୍ଳୀଷ୍ଟ ନାହିଁ।