ଦିନକୁ ଦିନ ପାରଦ ବଢ଼ିବାରେ ଲାଗିଛି, ଗରମରେ ସନ୍ତୁଳି ହେଉଛନ୍ତି ଲୋକେ

ଦିନକୁ ଦିନ ପାରଦ ବଢ଼ିବାରେ ଲାଗିଛି, ଗରମରେ ସନ୍ତୁଳି ହେଉଛନ୍ତି ଲୋକେ । ଆଉ ତା’ସହ ବିଷମ ହେଉଛି ଜଳ କଷ୍ଟ । କେଉଁଠି ଶୋଷିଲାଙ୍କ ପାଇଁ ଭଙ୍ଗା ଦଦରା ନଳକୂଅ ସାହା ତ କେଉଁଠି ଚୂଆ ମେଣ୍ଟାଉଛି ଶୋଷ । ପିଇବା ପାଣି ପାଇଁ ନିଇତି କରିବାକୁ ପଡୁଛି ସଂଘର୍ଷ । ହାତରେ ଗରା, ମାଠିଆ, ବାଲଟି ଧରି ମହିଳାଙ୍କ ମାର୍ଚ୍ଚ ବାହାରିଛି ସିଧା ବ୍ଲକ୍ ଅଫିସ ।

ଗରମରେ ସନ୍ତୁଳି ହେଉଥିବା ଗ୍ରାମବାସୀ ପିଇବାକୁ ପାଣି ଟୋପାଏ ନପାଇ ଘେରିଛନ୍ତି,ସରକାରୀ ଅଧିକାରୀଙ୍କୁ । ତେଲକୋଇ ଓରିଆ ପଂଚାୟତ ଜଟ ଗାଁର ଜଣେ ମହିଳାଙ୍କ ଅଭିଯୋଗ, ଅନୁସାରେ ଗାଁରେ ୪୦ ପରିବାର ପାଇଁ ଗୋଟିଏ ମାତ୍ର ନଳକୂଅ ରହିଛି । ପୂର୍ବରୁ ସେଥିରେ ଗୋଳିଆ ପାଣି ବାହାରୁଥିଲା, ଏବେ ନଳକୂଅ ହିଁ ଅଚଳ ।

Published By: Satyendu Shekher Mishra

Last updated: 22 April 2024, 10:39 PM IST