ଟେନସନ୍ ବଢ଼ାଉଛି ଆବାସିକ ସ୍କୁଲରେ କୁଆଁରୀ ମାତୃତ୍ବ

ତିନି ଦିନ ଭିତରେ ଦୁଇ ଜଣ ମାଟ୍ରିକ୍ ଛାତ୍ରୀ ମାଆ ବନିଛନ୍ତି । ଏଭଳି ଦୁଇଟି ସମ୍ବେଦନଶୀଳ ଘଟଣା ଘଟିଛି ମାଲକାନଗିରିର ଚିତ୍ରକୋଣ୍ଡା ଓ ଯାଜପୁର ବରୀ ଅଂଚଳରେ । ଚିତ୍ରକୋଣ୍ଡା ଅଂଚଳର ଜଣେ ଛାତ୍ରୀ ଏକ ଆବାସିକ ସରକାରୀ ବାଳିକା ଉଚ୍ଚ ବିଦ୍ୟାଳୟର ହୋଇଥିବାରୁ ଏହାକୁ ନେଇ ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି । ଏହି ଘଟଣାରେ ପୋଲିସ୍ ଜଣଙ୍କୁ ଗିରଫ କରିଥିବା ବେଳେ ପ୍ରଧାନ ଶିକ୍ଷକ ଓ ଏଏନ୍ଏମ୍ ସସପେଣ୍ଡ ହୋଇଛନ୍ତି । ଅନ୍ୟପଟେ ଚାକିରିରୁ ବିଦା ହୋଇଛନ୍ତି ହଷ୍ଟେଲ୍ ମାଟ୍ରନ୍ । କିନ୍ତୁ କେଉଁ ପରିସ୍ଥିତିରେ ଉଭୟ ଛାତ୍ରୀ ମାଆ ବନିଲେ ? ବାରମ୍ବାର ସାମ୍ନାକୁ ଆସୁଥିବା ଏଭଳି ଘଟଣାକୁ ରୋକାଯାଇପାରୁନି କାହିଁକି ? ସେନେଇ ଉଠିଛି ନାନା ପ୍ରଶ୍ନ ।