Kashmir Terror Attack Victims: ପ୍ରଶାନ୍ତଙ୍କ ଭଉଣୀ ବଖାଣିଲେ ହୃଦୟଥରା କାହାଣୀ

କାଶ୍ମୀର ଉପତ୍ୟକାର ବରଫ ପାହାଡ଼ରେ ଯେଉଁ ୨୮ ଜୀବନ ଦୀପକୁ ଲିଭାଇ ଦେଇଥିଲେ ଧର୍ମାନ୍ଧ ଆତଙ୍କୀ, ତାରି ଭିତରେ ଓଡ଼ିଆ ପର୍ଯ୍ୟଟକ ପ୍ରଶାନ୍ତ ଶତପଥୀଙ୍କୁ ହରାଇ ଝୁରୁଛି ଓଡ଼ିଶା । ଯିଏ ଗୁଳିମାଡ଼ ପରେ ଘଣ୍ଟାଏ ଧରି ବଞ୍ଚିଥିଲେ । କିନ୍ତୁ କେହି ସହାୟତା କଲେନି ବୋଲି ଶେଷରେ ଆଖିବୁଜିଲେ । ଆଜି ପ୍ରଶାନ୍ତଙ୍କ ପାଇଁ କାନ୍ଦୁଛି ସାରା ବାଲେଶ୍ବର । ତେଣେ ଗୃହମନ୍ତ୍ରୀ ଅମିତ ଶାହ, ସାଂସଦ ଅପରାଜିତା ଷଡ଼ଙ୍ଗୀ ପ୍ରମୁଖ ପ୍ରଶାନ୍ତଙ୍କୁ ଶେଷ ଶ୍ରଦ୍ଧାଞ୍ଜଳି ଜଣାଇବା ସହ ଶ୍ରୀନଗରରେ ଶୋକସନ୍ତପ୍ତ ପରିବାରକୁ ଭେଟି ସାନ୍ତ୍ବନା ଦେଇଛନ୍ତି । ଆଜି ଭୁବନେଶ୍ବର ଫେରୁଛି ପ୍ରଶାନ୍ତଙ୍କ ମରଶରୀର, ତାପରେ ବାଲେଶ୍ବର ଇସାଣୀ ଗାଁକୁ ନିଆଯାଇ ଶେଷକୃତ୍ୟ କରାଯିବ ।