Found With Lakhs Hidden in Govt Quarters: ମଲାପରେ ଜଣାପଡ଼ିଲା ସେ ଥିଲେ କୋଟିପତି

ଜୀବନକୁ କି ଅବା ଭରସା, ଆଜି ଅଛି କାଲି କି ନାହିଁ । ମଣିଷ ଯେଉଁ ପେଟ ଚାଖଣ୍ଡକ ପାଇଁ ଜୀବନ ଯାକ କଷ୍ଟ କରେ, ଆଉ ସେଇ କଷ୍ଟୋପାର୍ଜିତ ଧନରୁ କାଣିଚାଏ ବି ଯଦି ଜୀବଦ୍ଦଶାରେ ଖର୍ଚ୍ଚ କରିନପାରେ, କିମ୍ବା ଖର୍ଚ୍ଚ କରିବାକୁ ନଚାହେଁ, ତେବେ ତାଙ୍କୁ ଆପଣ କ’ଣ କହିବେ ? କିଛି ଏଭଳି ରୋଚକ କାହାଣୀ ସାମ୍ନାକୁ ଆସିଛି ମାଲକାନଗିରି ମୁଖ୍ୟ ହସ୍ପିଟାଲ ସ୍ବିପର ଡମ୍ବରୁ ଗରଡ଼ାଙ୍କ ଦେହାନ୍ତ ପରେ । ଜୀବନ ସାରା ଅତ୍ୟନ୍ତ ଗରିବ ଭଳି ଚଳିଆସୁଥିବା ଡମ୍ବରୁଙ୍କ ସରକାରୀ କ୍ବାର୍ଟର୍ସ ଭିତରୁ ମିଳିଛି, ସେ ଏଣେତେଣେ ଲୁଚାଇ ରଖିଥିବା ଲକ୍ଷ ଲକ୍ଷ ନଗଦ ଟଙ୍କା। ଅବିବାହିତ ଡମ୍ବରୁଙ୍କ ଏହି ଟଙ୍କା ଏବେ କିଏ ନେବ, ତାକୁ ନେଇ ଉଠିଛି ପ୍ରଶ୍ନ ।