ଖବର ସଂଗ୍ରହ ବେଳେ ସାମ୍ବାଦିକଙ୍କୁ ହତ୍ୟା ଉଦ୍ୟମ କଲେ ଠିକାଦାରର ଗୁଣ୍ଡା

ଗୋଡ଼ହାତ ବାନ୍ଧି ପ୍ରବଳ ମାଡ଼ ଦେଲେ । ମୋବାଇଲ, ବୁମ୍‌  ଏବଂ ATM କାର୍ଡ ଲୁଟିଲେ । ସୁନାଚେନ ବି ବେକରୁ ଝାମ୍ପିଲେ । ପିଟିପିଟି ଦରମରା କଲା ପରେ ଗାଁ ମୁଣ୍ଡରେ ଥିବା ଗୋଠରେ ଗୋଡହାତ ବାନ୍ଧି ଫିଙ୍ଗିଦେଲେ । ଖାଲି ସେତିକି ନୁହେଁ, ଗାଁ ମନ୍ଦିରରେ ରାଣ ଖୁଆଇ, ଘଟଣା ପ୍ରଘଟ ନକରିବା ପାଇଁ ଚେତାବନୀ ଦେଲେ । ପ୍ରଘଟ କଲେ ହତ୍ୟା କରିବାକୁ ବି ମିଳିଥିଲା ଧମକ । ଦିନ ଦ୍ବିପ୍ରହରେ ଚାଲିଥିଲା କଙ୍ଗାରୁ କୋର୍ଟ । ଦୁଇ ଘଣ୍ଟା ପରେ ଉଦ୍ଧାର ହେଲେ ସାମ୍ବାଦିକ । ଘଟଣା ବଲାଙ୍ଗିର ଜିଲ୍ଲା ପୁଇଁନ୍ତଳା ବ୍ଳକ କୁଲଥିପାଲି ଗାଁରେ ଘଟିଛି ।