ରତ୍ନଭଣ୍ଡାର ଭିତରେ ରହିଛି କି ଗୁପ୍ତ ବାଟ ?

ଭିତରେ ଗୁପ୍ତ ସୁଡଙ୍ଗ ଥିବା ନେଇ ବର୍ଷ ବର୍ଷ ଧରି ଚର୍ଚ୍ଚା ହେଉଥିବା ବେଳେ ଏବେ ଏହି ଚର୍ଚ୍ଚାକୁ ନୂଆ ଖୋରାକ ଯୋଗାଇଛି ଗଜପତି ମହାରାଜା ଦିବ୍ୟସିଂହ ଦେବଙ୍କ ମନ୍ତବ୍ୟ। କାରଣ, ଆଜି ଭିତର ରତ୍ନଭଣ୍ଡାର ସ୍ଥିତି ଦେଖି ଫେରିବା ପରେ ସୁଡ଼ଙ୍ଗ ଚର୍ଚ୍ଚାକୁ ସିଧାସଳଖ ଖଣ୍ଡନ କରିନାହାନ୍ତି ମହାରାଜା। ବରଂ କହିଛନ୍ତି, ଭିତର ଓ ବାହାର ରତ୍ନ ଭଣ୍ଡାର ସମ୍ପୂର୍ଣ୍ଣ ଖାଲି ହେବା ପରେ ହିଁ ଭିତରେ କଣ ଅଛି ସେନେଇ ଅନୁଧ୍ୟାନ କରାଯିବ। ଅତ୍ୟାଧୁନିକ ଯନ୍ତ୍ରପାତି ଦ୍ୱାରା ଲେଜର ସ୍କାନ କରି ଯାଂଚ କରିବ ଏଏସଆଇ। ଏହାପରେ ସୁଡ଼ଙ୍ଗ ଥିବା ନେଇ ଯେଉଁ ଚର୍ଚ୍ଚା ହେଉଛି, ତାହା ସ୍ପଷ୍ଟ ହୋଇପାରିବ।