ଗୁରୁଜୀଙ୍କୁ ନିଆରା ବିଦାୟ

ବାଜା ବାଜାଇ । ତାଳେ ତାଳେ ଜମାଣିଆ ନାଚ ବି । କୌଣସି ବାହା କି ବ୍ରତଘର ହେଉନାହିଁ। ନିଜ ଅତି ପ୍ରିୟ ଶିକ୍ଷକଙ୍କୁ ବିଦାୟକାଳୀନ ସମ୍ବର୍ଦ୍ଧନା ଦେବା ଲାଗି ଏକ ଶୋଭାଯାତ୍ରା ବାହାର କରିଥିଲେ ପୁରାତନ ଛାତ୍ରଛାତ୍ରୀ । କେନ୍ଦ୍ରାପଡ଼ା ଜିଲ୍ଲା ରାଜକନିକା ବ୍ଲକ୍ କାଏମା ଦୋମଣ୍ଡା ଗାଁରେ ଥିବା ସରକାରୀ ୟୁପି ସ୍କୁଲରେ ୨୯ ବର୍ଷ ଧରି ଶିକ୍ଷକତା କରିଥିବା ନିଜାମୁଦ୍ଦିନ ଶାହାଙ୍କୁ ଅବସରକାଳୀନ ସମ୍ବର୍ଦ୍ଧନା ଦେବା ଲାଗି ଭବ୍ୟ ଆୟୋଜନ କରିଥିଲେ ଗ୍ରାମବାସୀ ଓ ପୁରାତନ ଛାତ୍ରଛାତ୍ରୀ ।