‘ଦାନା’ ରଚିଥିବା ପ୍ରଳୟ ପରର ପୁଳା ପୁଳା ଚିହ୍ନ

କେନ୍ଦ୍ରାପଡା ରାଜନଗର ବ୍ଲକର ହବାଳିଖଟି ନେଚର କ୍ୟାମ୍ପ । ବାତ୍ୟା ଦାନା ଲ୍ୟାଣ୍ଡଫଲର କେନ୍ଦ୍ରସ୍ଥଳ । ଆଉ ଇଏ ବାତ୍ୟାରେ ସବୁଠୁ ଅଧିକ ପ୍ରଭାବିତ ରାଜନଗର ବ୍ଲକ୍ । ଦାନା ଛୁଇଁଯିବା ପରେ ଚାରିଆଡେ ଉଜୁଡା ଚିତ୍ର । କେଉଁଠି ବିରାଟ ଗଛ ମାଟିରେ ଧରାଶାୟୀ ତ କେଉଁଠି ଘର ଉପରେ ମାଡ଼ି ବସିଛି । ଉପୁଡି ପଡିଛି ହଜାର ହଜାର ଗଛଲତା । ଘର ଭାଙ୍ଗିଛି, ଜୀବିକା ଉଜାଡିଦେଇଛି । ଗାଁ ଗାଁରେ କ୍ଷତ ଚିହ୍ନ ଛାଡିଯାଇଛି ବାତ୍ୟା । ରାଜନଗର ବ୍ଲକର ସାତଭାୟା, ବଗପାଟିଆ, ପେଣ୍ଠ ଓ ତାଳଚୁଆ ପଂଚାୟତରେ ବାତ୍ୟା ଏମିତି ଦୁଃଖ ଦେଇଛି, ଯାହାର ଭରଣା କଷ୍ଟକର । ଚାଷ ବାସ କଥା ତ ନକହିଲେ ଭଲ । ବିଲରେ ଆଣ୍ଠୁଏ ପାଣି । ବୁଡିକି ରହିଛି ବର୍ଷକର ଫସଲ । ଯେତିକି ବଂଚିଛି, ଅଗାଡି ହୋଇଯିବା ଆଶଙ୍କା ଅଧିକ ।

Published By: Santosh Kumar Sahoo

Last updated: 26 October 2024, 10:21 PM IST