ଇ-ରେଜିଷ୍ଟ୍ରେସନ ଆପ୍ ଲଞ୍ଚ କଲେ ମୁଖ୍ୟମନ୍ତ୍ରୀ

ଏଣିକି ଆଉ ଜମି କିଣାବିକା ପାଇଁ ବି ବାରମ୍ବାର ସବ୍ ରେଜିଷ୍ଟ୍ରାର ଅଫିସ୍ ଦୌଡ଼ିବା ଦରକାର ନାହିଁ । ଦଲାଲ ହାବୁଡ଼ରେ ପଡିବେନି କି ଲାଞ୍ଚ ଦେବାକୁ ପଡ଼ିବନି । ଦଲାଲ ଆଉ ଦୁର୍ନୀତି ମୁକ୍ତ ହେବ ସବ୍ ରେଜିଷ୍ଟ୍ରାର ଅଫିସ୍ । ପେପର ଲେସ୍ ଆଉ କ୍ୟାସ୍ ଲେସ୍ ହେବ ସରକାରୀ ପ୍ରକ୍ରିୟା। ଘରେ ବସି ମୋବାଇଲରେ ହେଇଯିବ ଏସବୁ କାମ । ରାଜସ୍ବ ସେବା ପାଇଁ ଆସିଲା ଇ-ରେଜିଷ୍ଟ୍ରେସନ ଆପ୍ । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଜି ଏହି ଆପକୁ ଲଞ୍ଚ କରିଛନ୍ତି । ଏଣିକି ଗୋଟିଏ ମୋବାଇଲ ଆପରେ ମିଳିବ ଏକାଧିକ ରାଜସ୍ବ ସେବା ।