ଭୁଲ ଇଞ୍ଜେକ୍ସନରୁ ୬ ମୃତ୍ୟୁ !

ଅଳ୍ପ କିଛି ଘଣ୍ଟା ଭିତରେ ଛଅ ଛଅ ଜଣ ରୋଗୀଙ୍କ ମୃତ୍ୟୁ ପରେ, ଚିକିତ୍ସା ଅବହେଳା ଅଭିଯୋଗକୁ ନେଇ ପୁଣି ବିବାଦରେ କୋରାପୁଟ ସ୍ଥିତ ସହିଦ ଲକ୍ଷ୍ମଣ ନାୟକ ମେଡିକାଲ୍ କଲେଜ ଓ ହସ୍ପିଟାଲ । ଭୁଲ ଇଞ୍ଜେକ୍ସନ ଯୋଗୁଁ ସର୍ଜରୀ ଆଇସିୟୁ ଓ ସର୍ଜରୀ ୱାର୍ଡରେ ଭର୍ତ୍ତି ହୋଇଥିବା ରୋଗୀଙ୍କ ଜୀବନ ଯାଇଥିବା ଅଭିଯୋଗ କରିଛନ୍ତି ସଂପର୍କୀୟ । ଏହାକୁ ନେଇ ମେଡିକାଲ କଲେଜ ପରିସରରେ ଉତ୍ତେଜନା ପ୍ରକାଶ ପାଇଥିବା ବେଳେ, ଭୁଲ୍ ଇଞ୍ଜେକ୍ସନ ଦିଆଯିବା ଅଭିଯୋଗକୁ ଡିନ୍ ଖଣ୍ଡନ କରିଛନ୍ତି । ଏପଟେ ତଦନ୍ତ ପାଇଁ SCB ଓ MKCGରୁ କୋରାପୁଟକୁ ଯାଇଛି ୨ଟି ଡାକ୍ତରୀ ଟିମ୍ ।