ଇଂରେଜ ସରକାରଙ୍କ ଅମଳରୁ ଆରମ୍ଭ ହୋଇଥିବା ୱାକଫ୍ ଆଇନ କ'ଣ?

ଖବରର ଶିରୋନାମା ପାଲଟିଛି ୱାକଫ୍ ବିଲ୍ । ଶାସକଙ୍କ ସମର୍ଥନ ଓ ବିରୋଧୀଙ୍କ ବିରୋଧ ପଛରେ ୱାକଫ୍ ଶବ୍ଦର ଅର୍ଥକୁ ନେଇ ଚର୍ଚ୍ଚା । କ'ଣ ଏହି ୱକଫ୍, ଏହାର ଅର୍ଥ କ'ଣ, କାହିଁକି ସରକାର ଏଥିରେ ସଂଶୋଧନ ଆଣିବାକୁ ଚାହୁଁଛନ୍ତି ? ଏସମସ୍ତ ପ୍ରଶ୍ନ ଉତ୍ତର ଜାଣିବା ପୂର୍ବରୁ ପ୍ରଥମେ ବୁଝିବା ୱକଫ୍ କ'ଣ... ପ୍ରକୃତରେ, 'ୱକଫ' ଆରବି ଶବ୍ଦ 'ୱକୁଫା'ରୁ ଆସିଛି, ଯାହାର ଅର୍ଥ ରୋକିବା ବା ପ୍ରତିବନ୍ଧକ । ଯଦି ଆଇନଗତ ଦୃଷ୍ଟିରୁ ବୁଝାଯାଏ, ତେବେ ୱକଫର ଅର୍ଥ ହେଉଛି- ଇସଲାମ ଧର୍ମର ବ୍ୟକ୍ତିଟିଏ ଯଦି ନିଜର ଘର, ଜମି, ଟଙ୍କା କିମ୍ୱା କୌଣସି ମୂଲ୍ୟବାନ ଧାତୁ ଧାର୍ମିକ ଅନୁଷ୍ଠାନକୁ ଦାନ କରନ୍ତି ତେବେ ସେହି ସମ୍ପତ୍ତି ୱକଫ୍ ହୋଇଯାଏ । ଏହି ଦାନ ସମ୍ପତ୍ତିକୁ 'ଆଲ୍ଲହାଙ୍କ ସମ୍ପତ୍ତି' କୁହାଯାଏ । ଏହି ସମ୍ପତ୍ତିଗୁଡ଼ିକୁ ବିକ୍ରି କରାଯାଇପାରିବ ନାହିଁ କି ଧର୍ମ କାର୍ଯ୍ୟ ବ୍ୟତୀତ ଅନ୍ୟ କୌଣସି ଉଦ୍ଦେଶ୍ୟରେ ବ୍ୟବହାର କରାଯାଇପାରିବ ନାହିଁ।