ATM Inside Train: ଯାତ୍ରୀଗଣ ଧ୍ୟାନ ଦିଅନ୍ତୁ...ଏଣିକି ଟ୍ରେନ ଭିତରେ ମିଳିବ ‌ଏଟିଏମ୍‌ ସୁବିଧା

ପଞ୍ଚବଟୀ ଏକ୍ସପ୍ରେସରେ ଆରମ୍ଭ ହୋଇଛି ଦେଶର ପ୍ରଥମ ଟ୍ରେନ ଏଟିଏମ ସେବା । ମହାରାଷ୍ଟ୍ରର ନାସିକରୁ ମୁମ୍ବାଇ ଯାଉଥିବା ଏହି ଟ୍ରେନରେ ଏସି ବଗିରେ ଲାଗିଛି ଏଟିଏମ । ପରୀକ୍ଷାମୂଳକ ଭାବେ ଏହାର ଉପଯୋଗ କରାଯାଇଛି । ଟ୍ରେନରେ ଥିବା ସମସ୍ତ ୨୨ଟି ବଗିକୁ ସଂଯୋଗୀକରଣ କରାଯାଇଥିବାରୁ ସବୁ ଯାତ୍ରୀ ଏହି ସୁବିଧା ପାଇପାରିବେ । ରେଳୱେର ଭୁସାବଲ ଡିଭିଜନ ଏବଂ ବ୍ୟାଙ୍କ ଅଫ ମହାରାଷ୍ଟ୍ରର ମିଳିତ ଉଦ୍ୟମରେ ଏହି ଏଟିଏମ ସେବାର ଶୁଭାରମ୍ଭ କରାଯାଇଛି ।