ସଂସଦ ଭବନ ସୁରକ୍ଷାରେ ବଡ଼ ତ୍ରୁଟି; ଦୁଇ ଯୁବକ ଖେଳାଇଲେ ଆତଙ୍କ

ପୁଣି ସେଇ ଶୀତ ଅଧିବେଶନ। ପୁଣି ସଂସଦ ଭବନ ସୁରକ୍ଷାରେ ବଡ଼ ତ୍ରୁଟି। ଆଜି ଲୋକସଭା ଭିତରେ ପଶି ଦୁଇ ଯୁବକ ଖେଳାଇଥିଲେ ଆତଙ୍କ । ସ୍ମୋକ୍ ସ୍ପ୍ରେ କରି ସୃଷ୍ଟି କରିଥିଲେ ଭୟର ବାତାବରଣ। ସେମାନଙ୍କ ସହ ବାହାରେ ହଙ୍ଗାମା କରୁଥିବା ଦୁଇଜଣଙ୍କୁ କାବୁ କରି ଖୋଳତାଡ଼ କରୁଛି ଦିଲ୍ଲୀ ପୋଲିସ୍। ଆତଙ୍କ ସୃଷ୍ଟିକାରୀ ଯୁବକ ଦ୍ୱୟ ସାଂସଦ ଭିଜିଟର୍ସ ପାସରେ ଆସିଥିବାରୁ ଆଜିଠୁ ଏଭଳି ପାସକୁ ଅନିର୍ଦ୍ଦିଷ୍ଟକାଳ ପାଇଁ ବ୍ୟାନ୍ କରିଛନ୍ତି ବାଚସ୍ପତି।