ସମଲିଙ୍ଗୀଙ୍କୁ ସୁପ୍ରିମକୋର୍ଟଙ୍କ ବଡ଼ ଝଟ୍‌କା; ସ୍ୱାମୀ-ସ୍ତ୍ରୀ ସାଜି ପାରିବେନି ପୁରୁଷ-ପୁରୁଷ କି ନାରୀ-ନାରୀ

ଦମ୍ପତି ବନିପାରିବେନି ପୁରୁଷ-ପୁରୁଷ କିମ୍ବା ନାରୀ-ନାରୀ ଯୋଡ଼ି । LGBTQ ବର୍ଗଙ୍କୁ ସୁପ୍ରିମକୋର୍ଟର ବଡ଼ ଝଟକା । ସମଲିଙ୍ଗୀ ବିବାହକୁ ମିଳିଲାନି ଆଇନର ମାନ୍ୟତା । ସଂସଦ କୋର୍ଟକୁ ବଲ୍ ଫିଙ୍ଗିଲେ ସର୍ବୋଚ୍ଚ ଅଦାଲତ । ସମଲିଙ୍ଗୀ ବିବାହକୁ ଆଇନତଃ ବୈଧତା ଦେବାକୁ ମନା କରିବା ସହ, ସମଲିଙ୍ଗୀ ଯୋଡ଼ିଙ୍କୁ ପୋଷ୍ୟ ସନ୍ତାନ ଗ୍ରହଣର ଅଧିକାର ଦେବାକୁ ମନା କରିଦେଇଛନ୍ତି ସୁପ୍ରିମକୋର୍ଟ । ଚିଫ୍ ଜଷ୍ଟିସ୍ ଡି. ୱାଇ. ଚନ୍ଦ୍ରଚୂଡ଼ଙ୍କ ସମେତ ୫ ଜଣିଆ ଖଣ୍ଡପୀଠ ମାମଲାର ଶୁଣାଣି କରିଥିବାବେଳେ, ୩-୨ ବହୁମତ ଆଧାରରେ ଫୈସଲା ଆସିଛି ।