ପ୍ରଳୟର ୩ଦିନ ପରେ ବି ସିକ୍କିମ ଆଖିରୁ ଶୁଖୁନି ଲୁହ

ଅଶାନ୍ତ ତିସ୍ତା ଶାନ୍ତ ପଡ଼ିବା ପରେ, ଆଖିର ଲୁହ ପୋଛି ଧୀରେ ଧୀରେ ପ୍ରକୃତିସ୍ଥ ହେଉଛି ସିକ୍କିମ । ଅବଶୋଷର ଦୀର୍ଘ ନିଶ୍ୱାସ ଛାଡ଼ି, ଅବଶେଷ ସାଉଁଟୁଛି ସିକ୍କିମ । ଚାରିଆଡ଼େ ମାଟିମଟାଳ ଘେରା ଧ୍ୱଂସସ୍ତୁପ । ଘର ବାହାରେ, ଘର ଭିତରେ ପରସ୍ତ ପରସ୍ତ ପଟୁ । କେଉଁଠି ଜୀବନର ଆଶା ଜାଗୁଛି, ତ ଆଉ କେଉଁଠି ମାଟିତଳୁ ବାହରୁଛି ନିସ୍ତେଜ ଶରୀର। ହେଲେ ଏଠି କିନ୍ତୁ, ଏବେବି କଢ଼ା ଚାଲିଛି କୁଢ଼ କୁଢ଼ ଅନିଶ୍ଚିତତା । ଇଏ ସେଇ ସ୍ଥାନ ଯେଉଁଠି ୨୩ ଯବାନଙ୍କୁ ଗିଳି ଦେଇଥିଲା ତିସ୍ତାର ବନ୍ୟା । ଘଟଣାକୁ ୩ ଦିନ ବିତିଯାଇଥିବା ବେଳେ, ଏବେବି ପ୍ରାୟ ଅଧାରୁ ଅଧିକଙ୍କ ପତ୍ତା ମିଳୁନି। ୫-୬ଟି ଜେସିବି ଅହରହ ଅଣ୍ଡାଳି ଚାଲିଥିଲେ ବି, ସମୟ ଗଡ଼ିବା ସହ ଆଶା ବି ମଉଳି ମଉଳି ଯାଉଛି ।