ରାଜସ୍ୱ ବଢୁଛି, ନା ଖର୍ଚ୍ଚ କରୁନାହାନ୍ତି ସରକାର ?

ବିଜେଡି ଶାସନର ୨୩ ବର୍ଷ ପରେ ବି ରାଜରାସ୍ତାରେ ଚାଷୀ, ଶିକ୍ଷକ, ଅଧ୍ୟାପକ, ଡାକ୍ତର, ଅଙ୍ଗନବାଡି, ଆଶା କର୍ମୀ। କାହାର ଦାବି ଦରମା ବୃଦ୍ଧି, ତ କାହାର ଦାବି ସ୍ଥାୟୀ ନିଯୁକ୍ତି । ପୁଣି ଗୋଟିଏ ମାସରେ ୩ ଚାଷୀଙ୍କ ଆତ୍ମହତ୍ୟା ଅଭିଯୋଗ । ଆଉ ଏପଟେ ଓଡିଶା ବଳକା ରାଜସ୍ୱ ରାଜ୍ୟ କହି ଶାସକ ଦଳ ନେତାଙ୍କ ପ୍ରଚାର ପ୍ରସାର। ଏଠି ପ୍ରଶ୍ନ କେମିତି ରାଜସ୍ୱ ବଳକା ରାଜ୍ୟ ହେଲା ଓଡିଶା ? ରାଜସ୍ୱ ବଢୁଛି ନା ଆବଶ୍ୟକତା ଅନୁସାରେ ଖର୍ଚ୍ଚ କରୁନାହାନ୍ତି ସରକାର ? ନିକଟରେ ବଜେଟ୍ ଅଫ୍ ଇଣ୍ଡିଆନ୍ ଷ୍ଟେଟ୍ସ ପକ୍ଷରୁ ପ୍ରକାଶିତ ଏକ ରିପୋର୍ଟ ଅନୁସାରେ ରାଜସ୍ୱ ବଳକା ରାଜ୍ୟରେ ଦେଶର ଏକ ନମ୍ବରରେ ଅଛି ଓଡିଶା। ୨୦୨୧-୨୨ରେ ସର୍ବାଧିକ ୪୩ ହଜାର ୪୭୧ କୋଟି ଟଙ୍କା ବଳକା ରଖିଛନ୍ତି ରାଜ୍ୟ ସରକାର। ମାନେ ବିଭିନ୍ନ ସୂତ୍ରରୁ ଆୟ ଯେତିକି, ବ୍ୟୟ ତାଠୁ କମ୍ । ଓଡ଼ିଶା ପରେ ଦ୍ୱିତୀୟରେ ଉତ୍ତର ପ୍ରଦେଶ ଆଉ ତୃତୀୟରେ ରହିଛି ଦିଲ୍ଲୀ। ଅର୍ଥନୀତି ବିଶେଷଜ୍ଞଙ୍କ ମତରେ ରାଜସ୍ୱ ବଳିବା ଯେତେ ଗୁରୁତ୍ୱପୂର୍ଣ୍ଣ ନୁହେଁ, ଜନ ମଙ୍ଗଳକାରୀ ଯୋଜନା ସବୁର ବ୍ୟାପକତା ତାଠୁ ବେଶି ଗୁରୁତ୍ୱ ରଖେ ।

 

Published By: Santosh Kumar Sahoo

Last updated: 16 November 2023, 09:07 PM IST