ଓଡ଼ିଶା ଦେଇ ଗଡ଼ିଲା ଅମୃତ ଭାରତ ଏକ୍ସପ୍ରେସ

କେଉଁଠି ଢୋଲ ବାଜା... ତ କେଉଁଠି ନାଚଗୀତର ଧୁମ୍... । ଅମୃତ ଭାରତକୁ ଜାଗା ଜାଗାରେ ଉଚ୍ଛ୍ୱସିତ ସମ୍ବର୍ଦ୍ଧନା । ଉପସ୍ଥିତ ଅଛନ୍ତି ନେତା-ଜନତା ଓ ଛାତ୍ରଛାତ୍ରୀ। ସବୁଠି ସାଜସଜ୍ଜା। ଉତ୍ସାହ ଓ ଉଲ୍ଲାସ। ମାଲଦା ଟାଉନ୍-ବେଙ୍ଗଲୁରୁ ଅମୃତ ଭାରତ ଟ୍ରେନର ଓଡ଼ିଶାରେ ପ୍ରଥମ ରହଣି- ଜଳେଶ୍ୱର ଷ୍ଟେସନ। ଟ୍ରେନ୍ ପହଞ୍ଚିବା ପରେ, ଏହାକୁ ସ୍ୱାଗତ କରିଥିଲେ ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀ । ତେବେ ଖାଲି ଜଳେଶ୍ୱର କାହିଁକି ପରବର୍ତ୍ତୀ ସମସ୍ତ ଷ୍ଟେସନରେ ଅମୃତ ଭାରତକୁ ମିଳିଥିଲା ଭବ୍ୟ ସ୍ୱାଗତ ସମ୍ବର୍ଦ୍ଧନା। ଭଦ୍ରକ ଓ କଟକରେ ଓଡ଼ିଶୀ ନୃତ୍ୟ ପରିବେଷଣ ସହ ଢୋଲ ବାଦ୍ୟରେ କମ୍ପିଥିଲା କଟକର ପ୍ଲାଟଫର୍ମ । ଏହାପରେ ରାଜଧାନୀ ଭୁବନେଶ୍ୱରରେ ପୁଷ୍ପବୃଷ୍ଟି କରି ଏହି ନୂଆ ଟ୍ରେନକୁ ସ୍ୱାଗତ କରିଥିଲେ ଲୋକେ। ଖୋର୍ଦ୍ଧା ରୋଡ୍ ଓ ବ୍ରହ୍ମପୁରରେ ମଧ୍ୟ ଅମୃତ ଭାରତକୁ ସ୍ୱାଗତ କରିଥିଲେ ସ୍ଥାନୀୟ ବିଧାୟକ, ସାଂସଦ ଓ ବିଭିନ୍ନ ଦଳର ନେତା।

 

Published By: Santosh Kumar Sahoo

Last updated: 31 December 2023, 09:51 PM IST