୩୭ ବର୍ଷ ହେଲା ଶିକୁଳିରେ ବନ୍ଧା ହୋଇଛି ଜୀବନ, ଶୁଣ ସରକାର...

ଘର ଅଗଣାରୁ ବାହାରକୁ ଚାହିଁ ରହିଛନ୍ତି ସିଏ । କେତେବେଳେ ହସି ଦେଉଛନ୍ତି ତ କେତେବେଳେ କିଛି କହିବାକୁ ଚେଷ୍ଟା କରୁଛନ୍ତି । ବାହାରକୁ ଆସି ଖୋଲା ଆକାଶ ତଳେ ବୁଲିବାକୁ ସେ ଇଚ୍ଛା କରୁଛନ୍ତି । ହେଲେ ମାନସିକ ବିକାରଗ୍ରସ୍ତ ହୋଇଥିବାରୁ ଶିକୁଳିରେ ବନ୍ଧା ହୋଇ ତାଙ୍କ ଜୀବନ କଟୁଛି । ହାତ ଗୋଡ଼ ବନ୍ଧା ଅବସ୍ଥାରେ ହିଁ ମାଆ ତାଙ୍କୁ ଖୁଆଇ ଦିଅନ୍ତି ଆଉ ନିତିଦିନର କାମ କରିବାରେ ସାହାଯ୍ୟ କରିଥାନ୍ତି । ଏ ହେଉଛନ୍ତି ନରସିଂହପୁର ବ୍ଳକ ବନ୍ଧହୁଡା ଗାଁର ସନାତନ ସାହୁଙ୍କ ପୁଅ ବିଭୁତି ଭୂଷଣ ସାହୁ । ବୟସ ୩୭ ଛୁଇଁଲାଣି । ଯେଉଁ ବୟସରେ ପୁଅ ବିଭୂତି ରୋଜଗାର କରି ପରିବାର ଚଳାଇବା କଥା, ଆଜି ସେ ଘରେ ବନ୍ଧା ହୋଇ ପଡି ରହିଛନ୍ତି ।