ବୀରତାର ଅନ୍ୟ ନାଁ ଲେଫ୍ଟନାଣ୍ଟ ଶଶାଙ୍କ ତିୱାରୀ

ଅଦମ୍ୟ ସାହସ ଓ ବୀରତାର ପରିଚୟ ଦେଇ ଅମର ହୋଇଗଲେ ସିକ୍କିମ ସ୍କାଉଟ୍ସର ଲେଫ୍ଟନାଣ୍ଟ ଶଶାଙ୍କ ତିୱାରୀ । ନିଜ ଜୀବନକୁ ତିଳେ ମାତ୍ର ଭ୍ରୁକ୍ଷେପ ନକରି ସାଥୀ ଯବାନଙ୍କ ଜୀବନ ବଞ୍ଚାଇ ଚିର ଦିନ ପାଇଁ ସେ ଅମର ହୋଇଯାଇଛନ୍ତି । ଯବାନ ଯେ ବଳିଦାନର ପ୍ରତୀକ, ସେ ତାହା ପ୍ରତିପାଦିତ କରିଛନ୍ତି । ବାସ୍ତବରେ ମେ 22ରେ ଉତ୍ତର ସିକ୍କିମରେ ଏକ ଅପରେସନାଲ୍ କାର୍ଯ୍ୟକ୍ରମ ଚାଲିଥିଲା । 23 ବର୍ଷୀୟ ଲେଫ୍ଟନାଣ୍ଟ ଶଶାଙ୍କ ମଧ୍ୟ ଏଥିରେ ସାମିଲ ଥିଲେ ।