୧୦ ବର୍ଷରେ ବନ୍ଦ ହେଲାଣି ୪୦ଟି ସିନେମା ହଲ୍

ଦିନେ ଏଠି ଖଚାଖଚ୍ ଭିଡ଼ ଜମୁଥିଲା, ସବୁ ସିଟରେ ବସି ଫିଲ୍ମ ଦେଖୁଥିଲେ ଦର୍ଶକ। ନା ଏବେ ଏହି ସିଟ୍ ଅଛି, ନା ରିଲ୍ ଅଛି, ନା ଫିଲ୍ମ, ନା ହଲ୍। ଭୁବନେଶ୍ବରର ବହୁ ପୁରୁଣା ରବି ଟକିଜର ସ୍ଥିତି ନ କହିବା ଭଲ । ସିନେମା ହଲ୍ କଲ୍ୟାଣ ମଣ୍ଡପରେ ପରିଣତ ହୋଇଛି, ଆଉ ସିଲଭର୍ ସ୍କ୍ରିନ୍ ଲାଗୁଥିବା ସ୍ଥାନ ବାହାଘର ମଣ୍ଡପରେ। ଏହି ଗୋଟିଏ ଫିଲ୍ମ ହଲ ନୁହେଁ ରାଜଧାନୀର ବହୁ ସିନେମା ହଲ୍ ବନ୍ଦ ହୋଇ ପଡ଼ିଛି। ଏକାମ୍ର ହଲର ଅବସ୍ଥା ଥରେ ସେମିତି । ଦିନ ଥିଲା ଝରକା ପାଖରେ ଟିକେଟ୍ ଖଣ୍ଡକ୍ ପାଇଁ ଜମୁଥିଲା ଭିଡ଼। ରଜ, ଦଶହରାରେ ତ ଯାତ୍ରା ଭଳି ପରିସ୍ଥିତି ଉପୁଜୁଥିଲା। ହେଲେ ଏବେ କର୍ପୂର ଉଡ଼ିଯାଇଛି, କନା ବଞ୍ଚିଲା ଭଳି କେବଳ ହଲ୍ ନିଜ ସ୍ଥିତି ଅଣ୍ଡାଳୁଛି।