ବିବାଦ ଓ ବିଭ୍ରାଟ ଭିତରେ ଆସିଲା ଯୁକ୍ତ ଦୁଇ ଫଳ,୨ ଘଣ୍ଟା ପରେ ବି ୱେବସାଇଟରେ ମିଳିଲାନି ରେଜଲ୍ଟ

ବିବାଦ ଆଉ ବିଭ୍ରାଟ ଭିତରେ ପ୍ରକାଶ ପାଇଲା ଯୁକ୍ତ ଦୁଇ ବିଜ୍ଞାନ ଓ ବାଣିଜ୍ୟ ରେଜଲ୍ଟ। ଶେଷ ଯାଏଁ ଅବ୍ୟବସ୍ଥା। ଗଣଶିକ୍ଷା ମନ୍ତ୍ରୀ ଆନୁଷ୍ଠାନିକ ଭାବେ ଫଳ ଘୋଷଣା କରିବା ପରେ ବି ପିଲାଏ ପ୍ରାୟ ଦୁଇ ଘଣ୍ଟା ଯାଏଁ ୱେବସାଇଟରେ ନିଜ ରେଜଲ୍ଟ ଦେଖିପାରିନଥିଲେ । ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ଦିଆଯାଇଥିବା ୱେବସାଇଟ orissaresults.nic.inରେ ରେଜଲ୍ଟ ଦୀର୍ଘ ସମୟ ଯାଏଁ ଉପଲବ୍ଧ ନହେବାରୁ ପରୀକ୍ଷାର୍ଥୀଙ୍କ ଚିନ୍ତା ବଢିଯାଇଥିଲା । ଚାହିଁ ଜଳକା ଖେଳ ଖେଳୁଥିବା ପରିଷଦର ବ୍ୟବସ୍ଥାଗତ ତ୍ରୁଟି ଉପରେ ପ୍ରଶ୍ନ ଉଠାଇଲେ। କିଛି ସମୟ ପାଇଁ ପିଲାଙ୍କ ମନକୁ ଭୟ ଘାରିଥିଲା ଯେ ଆଜି ସେମାନେ ପରୀକ୍ଷା ଫଳ ଦେଖିପାରିବେ ତ?

Published By: Tanmay Kumar Mahalik

Last updated: 31 May 2023, 09:18 PM IST