ଦେଢ଼ ଘଣ୍ଟା ପୂର୍ବରୁ ହଲକୁ ଏଣ୍ଟ୍ରି କରିବେ ମାଟ୍ରିକ୍ ପରୀକ୍ଷାର୍ଥୀ

ଆଉ ଅଧ ଘଣ୍ଟା କି ୪୫ ମିନିଟ୍ ନୁହେଁ । ଦେଢ଼ ଘଣ୍ଟା ପୂର୍ବରୁ ପରୀକ୍ଷା ହଲକୁ ଏଣ୍ଟ୍ରି କରିବେ ମାଟ୍ରିକ୍ ପରୀକ୍ଷାର୍ଥୀ । ଆସନ୍ତା ୨୦ରୁ ହେବାକୁ ଥିବା ମାଟ୍ରିକ୍ ପରୀକ୍ଷାରେ କପି ରୋକିବାକୁ ଏଭଳି ନିଷ୍ପତ୍ତି ନେଇଛି ମାଧ୍ୟମିକ ଶିକ୍ଷା ବୋର୍ଡ । ତା’ସହ ଶିକ୍ଷକ ଏବଂ କର୍ମଚାରୀଙ୍କ ପାଇଁ ବୋର୍ଡ ମୋବାଇଲ୍ କଟକଣା ଜାରି କରିଛି । ତେବେ ଏହି ନିଷ୍ପତ୍ତି ବାସ୍ତବରେ କାର୍ଯ୍ୟକାରୀ ହୋଇପାରିବ ତ ? ତାକୁ ନେଇ ପ୍ରଶ୍ନ ଉଠିବା ସହ ନିର୍ବାଚନୀ ବର୍ଷରେ ସୁରୁଖୁରୁରେ ପରୀକ୍ଷା ପରିଚାଳନା ଓ ତ୍ରୁଟିଶୂନ୍ୟ ମୂଲ୍ୟାଙ୍କନକୁ ନେଇ ନାନା ଶଙ୍କା ହେଉଛି ।