ଗୋପାଳପୁର ବେଳାଭୂମି ଗଣଦୁଷ୍କର୍ମ ଅଭିଯୁକ୍ତଙ୍କ ହେଲା TI ପରେଡ୍

ଗୋପାଳପୁର ବେଳାଭୂମି ଗଣଦୁଷ୍କର୍ମ ଅଭିଯୁକ୍ତଙ୍କ ହେଲା TI ପରେଡ୍। ଉଭୟ୍ ପୀଡ଼ିତା ଏବଂ ତାଙ୍କ ପୁରୁଷ ବନ୍ଧୁ, ୬ ଅଭିଯୁକ୍ତଙ୍କୁ ବ୍ରହ୍ମପୁର ସେଣ୍ଟ୍ରାଲ ଜେଲରେ ଚିହ୍ନଟ କରିଛନ୍ତି। ଏସବୁ ଭିତରେ ସାମ୍ନାକୁ ଆସିଛି ୧୭ ବର୍ଷ ତଳର ଠିକ୍ ଏଭଳି ଏକ ଘଟଣା। ୨୦୦୮ରେ ପୁରୁଷ ବନ୍ଧୁ ଆଗରେ ବାନ୍ଧବୀଙ୍କୁ ଝୁଣି ଠିକ୍ ସେହି ବେଳାଭୂମିରେ ଅସଦାଚରଣ ଉଦ୍ୟମ କରିଥିଲେ ଦୁର୍ବୃତ୍ତ। ଆଉ ପ୍ରତିବାଦ କରିବାରୁ ପୁରୁଷ ବନ୍ଧୁଙ୍କୁ ହତ୍ୟା କରି ଖସିଯାଇଥିଲେ। ଦୁଃଖର କଥା ହେଉଛି, ପ୍ରମାଣ ଅଭାବରୁ ଅଭିଯୁକ୍ତମାନେ ବନିଗଲେ ନିର୍ଦ୍ଦୋଷ। ସେଦିନର ସେହି ବର୍ବରକାଣ୍ଡକୁ ଆଜି ମନେ ପକାଇ ଲୁହ ଝରାଉଛନ୍ତି ପୁଅକୁ ହରାଇଥିବା ବାପା, ମାଆ।