ନିର୍ଦ୍ଦୋଷ ହୋଇ ବି ଦୀର୍ଘ ୬ ମାସ ଧରି ଜେଲ ଭିତରେ ଥିଲେ

ଭାଷା ସିନା ବୁଝି ହେଉନି, ହେଲେ ମୁହଁର ଭାବ କହୁୁଛି ମୁକ୍ତିର ଆନନ୍ଦ କେତେ । ଅନ୍ୟପଟେ ସେହି ସରଳ ମୁଖମଣ୍ଡଳ ବୟାନ କରୁଛି, ନିର୍ଦ୍ଦୋଷ ହୋଇ ବି ଦୀର୍ଘ ୬ ମାସ ଧରି ଜେଲ ଭିତରେ ପେଷି ହେବାର ଯାତନା ଓ ଯନ୍ତ୍ରଣା କେତେ । ଆମେ କହୁଛୁ ବଲାଙ୍ଗିର ଜେଲରୁ ଜାମିନରେ ମୁକୁଳିଥିବା ଯୁବକ ଏସ.ପାଇତି ରାଜୁଙ୍କ କଥା । ତାଙ୍କ ଘର ଆନ୍ଧ୍ରପ୍ରଦେଶର ଭାଇଜାଗରେ । ତେବେ ତାଙ୍କ ଜେଲ ଯିବା ପଛର କାହାଣୀ ଶୁଣିଲେ ଯେକେହି ବି ଆଶ୍ଚର୍ଯ୍ୟ ହେବ । ପୋଲିସର ତଦନ୍ତ ଓ କାର୍ଯ୍ୟଦକ୍ଷତାକୁ ନେଇ ପ୍ରଶ୍ନ କରିବ । ୨୦୨୨ ଜାନୁଆରୀ ୪ ତାରିଖ ବିଳମ୍ବିତ ରାତିରେ ବଲାଙ୍ଗିର ଆଦର୍ଶ ଥାନା ପୋଲିସ, ସହର ଭିତରେ ଥିବା ଏକ ଏଟିଏମ୍ ଭିତରୁ ତାଙ୍କୁ ଉଠାଇ ନେଇଥିଲା ।