ପୁଞ୍ଜିଲାଲ ମେହେରକୁ ହୋଇଛି ଆଜୀବନ ଜେଲ୍

କୃତକର୍ମ ପାଇଁ ବଡ଼ ଦଣ୍ଡ । ବହୁଚର୍ଚ୍ଚିତ ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲାର ଦୋଷୀ ପୁଞ୍ଜିଲାଲ ମେହେରକୁ ହୋଇଛି ଆଜୀବନ ଜେଲ୍ । ୨୦୧୮ ମସିହାର ଏ ଲୋମହର୍ଷକ ମାମଲାର ଚୂଡ଼ାନ୍ତ ରାୟ ଶୁଣାଇ ଆଜି ପୁଞ୍ଜିଲାଲକୁ ଆଜୀବନ ସଜ୍ଜା ଶୁଣାଇଛନ୍ତି ସେଠିକାର ଏଡିଜେ କୋର୍ଟ । ଦୋଷୀକୁ ଫାଶି ଦଣ୍ଡ ଦେବାକୁ ସରକାରୀ ଓକିଲ ଯୁକ୍ତି ରଖିଥିଲେ, କିନ୍ତୁ ଏହା ବିରଳତମ ଘଟଣା ହୋଇଥିଲେ ବି ଲୋମଟଙ୍କୁରା ନୁହେଁ ବୋଲି ଦର୍ଶାଇ ଲାଇଫର୍ ଆଦେଶ ଦେଇଥିଲେ ବିଚାରପତି । ତେବେ ୭ ବର୍ଷର ସଂଘର୍ଷ ପରେ ନ୍ୟାୟ ମିଳିଥିବାରୁ ପୁଅର ଆତ୍ମାକୁ କିଛି ମାତ୍ରାରେ ଶାନ୍ତି ମିଳିଥିବ ବୋଲି କୋହଭରା କଣ୍ଠରେ କହିଛନ୍ତି ମୃତ ସୌମ୍ୟଙ୍କ ବାପାମାଆ ।