କ୍ରାଇମବ୍ରାଞ୍ଚ ସାଇଲେଣ୍ଟ, ପୋଲିସ୍ ଡିଜି ପୁରା ଚୁପ୍

କ୍ରାଇମବ୍ରାଞ୍ଚ ସାଇଲେଣ୍ଟ । ପୋଲିସ୍ ଡିଜି ପୁରା ଚୁପ୍ । ମନ୍ତ୍ରୀ ନବ ଦାସ ହତ୍ୟା ମାମଲାରେ ଯେମିତି ସଭିଙ୍କ ମୁହଁରେ ତାଲା ! ବିଧାନସଭା ବଜେଟ୍ ଅଧିବେଶନ ସୁରକ୍ଷା ବ୍ୟବସ୍ଥାର ତଦାରଖ ପାଇଁ ଆଜି ଆସି ଡିଜିପି ସୁନୀଲ ବଂଶଲ ଗଣମାଧ୍ୟମକୁ ପୋଲିସ ଆରେଞ୍ଜମେଣ୍ଟ କଥା କହିଲେ, ହେଲେ ମନ୍ତ୍ରୀ ନବ ଦାସ ହତ୍ୟାର ମୋଟିଭ୍ କଣ ବୋଲି ସାମ୍ବାଦିକଙ୍କ ପ୍ରଶ୍ନ ବେଳକୁ ବାଟ ଭାଙ୍ଗି ଚାଲିଗଲେ । ଏହି ବହୁଚର୍ଚ୍ଚିତ ମାମଲାରେ ପୂର୍ବରୁ ଗତ ୩ ତାରିଖରେ ସାମାନ୍ୟ ମୁହଁ ଖୋଲିଥିଲେ ପୋଲିସ ମହାନିର୍ଦ୍ଦେଶକ । କହିଥିଲେ ଗୋପାଳ କାହିଁକି ନବ ଦାସଙ୍କୁ ମାରିଲା, ତା କେବଳ ମହାପ୍ରଭୁ ଜଗନ୍ନାଥଙ୍କୁ ଜଣା ।