ଭୟରେ ଗୋପାଳ; ଚୌଦ୍ୱାର ଜେଲ୍‌ ଏବେ ନୂଆ ଠିକଣା

କ୍ୟାବିନେଟ୍ ମନ୍ତ୍ରୀ ନବ ଦାସ ହତ୍ୟା ଅଭିଯୁକ୍ତ ଗୋପାଳ ଦାସକୁ ଘାରିଛି ନିଜ ଜୀବନକୁ ଭୟ । ସେଇଥିପାଇଁ ଝାରସୁଗୁଡ଼ା ବଦଳରେ ଚୌଦ୍ୱାର ଜେଲ୍ ଏବେ ଗୋପାଳର ନୂଆ ଠିକଣା । ଜେଲ୍ କର୍ତ୍ତୃପକ୍ଷ ନୁହେଁ, ନିଜ ଜୀବନ ପ୍ରତି ଭୟ ଆଶଙ୍କା କରି ଖୋଦ୍ ନିଜ ଆଡୁ ଅନ୍ୟ ଜେଲକୁ ସ୍ଥାନାନ୍ତର କରିବାକୁ କୋର୍ଟଙ୍କୁ ଅନୁରୋଧ କଲା ଗୋପାଳ । ଆଉ କୋର୍ଟଙ୍କ ଅନୁମତି ପରେ ହାଇ ସିକ୍ୟୁରିଟି ସୁରକ୍ଷା ବଳୟରେ ଆଜି ତାକୁ ଝାରସୁଗୁଡ଼ା ସବ୍ ଜେଲରୁ ଚୌଦ୍ୱାର ଅଭିମୁଖେ ଅଣାଯାଇଥିଲା ।