Triple Murder: ରାତି ଅଧରେ ସ୍ୱାମୀ ବୁହାଇଲା ରକ୍ତର ନଦୀ; ସ୍ତ୍ରୀ, ପୁଅ ଓ ଶାଳୀକୁ ମାରିଦେଲା

ରାତି ଅଧରେ ସ୍ୱାମୀ ଘରେ ବୁହାଇଲା ରକ୍ତର ନଦୀ । ପିଶାଚ ସାଜି ନିଜ ସ୍ତ୍ରୀ, ପୁଅ ଓ ଶାଳୀକୁ ଗୁଳି କଲା । ଜୀବନ ନଯିବାରୁ ଗୋଡ଼ାଇ ଗୋଡ଼ାଇ କାତିରେ ହାଣିଲା । ଏଭଳି ଏକ ଛାତିଥରା ଘଟଣା ଢେଙ୍କାନାଳ ଜିଲ୍ଲା ସଦର ଥାନା ଅନ୍ତର୍ଗତ ଗୋବିନ୍ଦପୁର ଫାଣ୍ଡି ତାଳବରକୋଟ ଗ୍ରାମରେ ଘଟିଛି । ମାୟାଧର ବେହେରା ନାମକ ଏହି ବ୍ୟକ୍ତି ଶାଳୀ ପ୍ରତି ପ୍ରେମ ଓ ସମ୍ପତ୍ତି ପାଇବାର ଲୋଭରେ ରାକ୍ଷସ ପାଲଟି ଯାଇଥିଲା । ଆଉ ନିଜ ସ୍ତ୍ରୀ ଆଉ ଜନ୍ମକଲା ପୁଅକୁ ମାରିବାକୁ ପଛାଇନାହିଁ। ନିଶବ୍ଦ ରାତିରେ ସମସ୍ତେ ଅଚିନ୍ତା ନିଦରେ ଶୋଇଯାଇଥିବା ବେଳେ ପରିବାରର ୩ ସଦସ୍ୟକୁ ଏକ ଦେଶୀ ବନ୍ଧୁକରେ ଗୁଳି କରିଥିଲା ମାୟାଧର ।