ସ୍ତ୍ରୀର ଚରିତ୍ରକୁ ସନ୍ଦେହ କରି ଟାଙ୍ଗିଆରେ ହାଣି ହତ୍ୟାକଲା ସ୍ୱାମୀ

''ମୋ ସ୍ତ୍ରୀ ଫୋନରେ କାହା ସହ କଥା ହେଉଥିଲା । ତା' ଚରିତ୍ରକୁ ନେଇ ମୋର ସନ୍ଦେହ ହୋଇଥିଲା । ମନା କରିବାରୁ ଶୁଣିଲାନି ଟାଙ୍ଗିଆରେ ହାଣିଦେଲି ।'' ସ୍ତ୍ରୀକୁ ଟାଙ୍ଗିଆରେ ହାଣି ରକ୍ତର ନଦୀ ବୁହାଇବା ପରେ ଇଏ ଥିଲା ସୈତାନ ସ୍ୱାମୀର ପ୍ରତିକ୍ରିୟା । ଯେଉଁ ହାତ ଧରି ବାହା ହୋଇଥିଲା, ସେହି ହାତରେ ଟାଙ୍ଗିଆ ଧରି ହତ୍ୟା କଲା । ମଙ୍ଗଳସୂତ୍ର ପିନ୍ଧାଇଥିବା ବେକରେ ଟାଙ୍ଗିଆ ଚୋଟ ମାରିଲା। ପତ୍ନୀକୁ ମାରି ନିଜ ୨-୨ଟି ଛୁଆକୁ ଅନାଥ କରିବା ପରେ ମଧ୍ୟ ତାର କୌଣସି ପଶ୍ଚାତାପ ନଥିଲା ।