Man Brutally Murdered: ଖାଉଥିବା ବେଳେ ଟାଙ୍ଗିଆରେ ହାଣି ଦେଲେ ପଡ଼ୋଶୀ

ରାୟଗଡ଼ା ଜିଲ୍ଲା ପଦ୍ମପୁର ଥାନା ସଉରା ବିକ୍ରମପୁର ଗାଁ । ଏଠାରେ ସ୍ତ୍ରୀ ଓ ଝିଅ ସହ ରୁହନ୍ତି ଚୈତନ୍ୟ ଶବର । ଶନିବାର ସକାଳେ କୋଣସି କାମରେ ସେ ଡମ୍ବସରା ଯାଇଥିଲେ । ମଧ୍ୟାହ୍ନରେ ଘରକୁ ଫେରି ପରିବାର ସହ ଖାଇବାକୁ ବସିଥିଲେ । ବେଶ୍ ହସ ଖୁସିରେ ବାପା-ମା’ ଝିଅ ବସି ଏକାଠି ଖାଉଥିଲେ । ଠିକ୍‌ ଏତିକି ବେଳେ ପଶି ଆସିଥିଲେ ତାଙ୍କ ପୋଡ଼ଶୀ ପଣ୍ଡା ଶବର ଓ ତାଙ୍କ ପୁଅ । ଦେଖୁ ଦେଖୁ ଚୈତନ୍ୟଙ୍କ ଉପରେ କରିଥିଲେ ଅତର୍କିତ ଆକ୍ରମଣ । ଝିଅ ଓ  ସ୍ତ୍ରୀ ଆଗରେ ତାଙ୍କୁ ଟାଙ୍ଗିଆରେ ହାଣି  ହତ୍ୟା କରିଥିଲେ ।