ଜୁଆ ଜାଲରେ ଗଞ୍ଜାମ, ସର୍ବସ୍ୱାନ୍ତ ହେବା ପରେ ବି ଛାଡୁନି ନିଶା

ବାଜିରେ ଲାଗୁଛି ଜୀବନର ସବୁକିଛି, ବନ୍ଧା ପଡ଼ୁଛି ଘର ବାଡ଼ି, ଏମିତିକି ସାତପୁରୁଷର ଅର୍ଜିତ ସମ୍ପତ୍ତି। ଖେଳ ଏମିତି ଯାହା ବଦଳାଇ ଦେଇଛି ପରିଚୟ। ଗଞ୍ଜାମ ଜିଲ୍ଲାର ଜୁଆ ଖେଳ। ଯିଏ ଖେଳିଛି ସିଏ ଜାଣିଛି, ଆଉ ଯିଏ ଖେଳିନି ସେ ବି ଏହାର ପରିଣାମ ସମ୍ପର୍କରେ ଅଳ୍ପ ବହୁତ ଶୁଣିଛି । ଜୁଆ ଖେଳ ଗାଁର ଲୋକଙ୍କୁ ଦାଦନ ସଜାଇ ଦେଇଛି। ସବୁ କିଛି ହରାଇବା ପରେ ଏବେ ଭାଗ୍ୟକୁ ଆଦରି ବଞ୍ଚୁଛନ୍ତି। ଜୁଆ ଖେଳ ଯେ କେତେ ପରିବାର ଉଜାଡ଼ିଛି ତା ହିସାବ କାହା ପାଖରେ ନାହିଁ । ପାର୍ବଣ ସମୟ ଖାସ୍ କରି କୁମାର ପୂର୍ଣ୍ଣିମା ଅବସରରେ ତାସ୍, ପଶାପାଲି ଖେଳର ପରମ୍ପରା ରହିଛି ପୁରା ଜିଲ୍ଲାରେ । ହେଲେ ସେଥିରେ ବାଜି ଲାଗୁଥିବା ଟଙ୍କା ପଇସା ପ୍ରତିବର୍ଷ ଶହ-ଶହ ଲୋକଙ୍କୁ ସର୍ବସ୍ୱାନ୍ତ କରୁଛି।

Published By: Santosh Kumar Sahoo

Last updated: 26 October 2023, 09:12 PM IST