ତଦନ୍ତ ବାଟବଣା ପାଇଁ ଚିଠି ଲେଖିଥିଲା ପୁଞ୍ଜିଲାଲ

ବାପା, ମା’ଙ୍କ ନୟନ ପିତୁଳାକୁ ଶେଷ କରିଦେଇଥିଲା। ସଦ୍ୟ ବିବାହ କରିଥିବା ପତ୍ନୀ ମଥାରୁ ପୋଛି ଦେଇଥିଲା ସିନ୍ଦୂର। ହେଲେ ପ୍ରାଥମିକ ଭାବେ ତା’ବିରୋଧରେ ନା ମିଳିଥିଲା କୌଣସି ସୁରାଗ୍ ନା ଥିଲେ କୌଣସି ପ୍ରତ୍ୟକ୍ଷଦର୍ଶୀ। ପୋଲିସ ଡାଳେ ଡାଳେ ଗଲେ ନିଜେ ପତ୍ରେ ପତ୍ରେ ଯାଇ ଖସିଯାଉଥିଲା, ଅଧ୍ୟାପନାରୁ ପାର୍ସଲ ବୋମାର ଅପରାଧ ଭିଆଇଥିବା ସାତିର ଦିମାଗଧାରୀ ପୁଞ୍ଜିଲାଲ୍ ମେହେର। ଏଭଳି ଭାବେ ୨ ମାସର ଲୁଚକାଳି ଭିତରେ ସାମ୍ନାକୁ ଆସିଥିଲା ଇଂରାଜୀରେ ଲେଖା ପୁଞ୍ଜିଲାଲର ବେନାମୀ ଚିଠି। ଯେଉଁ ଚିଠିରୁ ଖିଅ ଖୋଜୁ ଖୋଜୁ କ୍ରାଇମବ୍ରାଞ୍ଚ ଖୋଲିଥିଲା ପୁଞ୍ଜିଲାଲର ପାପର ପେଡ଼ି।