Crimes in Balangir: ଜେଲରୁ ବାହାରି ଗୋଡ଼ାଇ ଗୋଡ଼ାଇ ହାଣୁଛନ୍ତି, କଥା କଥାରେ ଗଡୁଛି ମୁଣ୍ଡ

ଜେଲରୁ ବାହାରୁଛନ୍ତି ଗୋଡ଼ାଇ ଗୋଡ଼ାଇ ହାଣୁଛନ୍ତି । ଶାନ୍ତ ପଡ଼ିଥିବା ସହରରେ ଆତଙ୍କ ମଚାଉଛନ୍ତି । କଥା କଥାରେ ଗଡୁଛି ମୁଣ୍ଡ, ବୋହୁଛି ରକ୍ତର ନଦୀ । ଗତ ୧୧ ତାରିଖ, ଏସ୍.ପି କହିଥିଲେ ଆମେ ୨୪ ଘଣ୍ଟା ଆଲର୍ଟ ଅଛୁ । ସହରରେ ଫୁଲପ୍ରୁଫ ସୁରକ୍ଷା ବ୍ୟବସ୍ଥା କରିଛୁ । ହେଲେ ଏହାର ଦୁଇଦିନ ଭିତରେ ସହରରେ ଗଡ଼ିଥିଲା ଦୁଇ ଦୁଇଟି ମୁଣ୍ଡ । ୧୨ ତାରିଖ ଦିନ ଦ୍ବିପ୍ରହରେ ଚିମନୀ ଭାଟିରେ ଡ୍ରାଇଭର ଭାବେ କାମ କରୁଥିବା ରାମଦାସକୁ ମଝି ରାସ୍ତାରେ ହାଣି ହତ୍ୟାକରି ଫେରାର ହୋଇଯାଇଥିଲେ ଦୁବୃର୍ତ୍ତ । ଘଟଣାସ୍ଥଳରେ ପହଞ୍ଚିଥିଲେ ସାଇଣ୍ଟିଫିକ ଟିମ ଓ ସନ୍ଧାନୀ କୁକୁର । ଆଉ ଆଖ ପାଖ କିଛି ଲୋକଙ୍କୁ ଥାନାକୁ ଉଠାଇ ନେଇ, ତିନିଦିନ ଧରି ତଦନ୍ତ କରିଥିଲା । ହେଲେ ଏ ଯାଏଁ ଧରାପଡିନି ହତ୍ୟାକାରୀ ।