ଦେହରେ ଡିଜେଲ ଢାଳି ଜଳିଗଲା ନାବାଳକ

କଟକ ପୁରୀଘାଟ ଥାନା ମଠସାହି ଗୋପାଳଜିଉ ଲେନରେ ଛାତିଥରା ଘଟଣା। ନିଜ ଡିଜେଲ ଢାଳି ଜୀବନ ହାରିଲା ନାବାଳକ। ମୃତକ ଜଣକ ହେଉଛନ୍ତି ୧୭ ବର୍ଷୀୟ ଅଙ୍କନ ଦତ୍ତ। ତାଙ୍କ ଘର ପଶ୍ଚିମବଙ୍ଗରେ ହୋଇଥିବାବେଳେ ସେ ନିଜ ବାପାମାଆ ସହ ପୁରୀଘାଟ ଥାନା ମଠସାହି ଗୋପାଳଜିଉ ଲେନରେ ଭଡା ଘରେ ରହୁଥିଲେ। ଗତକାଲି ବିଳମ୍ବିତ ରାତିରେ ତାଙ୍କର ସନ୍ଦେହଜନକ ଅବସ୍ଥାରେ ମୃତ୍ୟୁ ହୋଇଛି। ପ୍ରଥମରେ ସେ ଆତ୍ମହତ୍ୟା କରିଥିବା ଅନୁମାନ କରାଯାଉଥିବା ବେଳେ ତାଙ୍କ ବାପା ଆଣିଛନ୍ତି ସାଂଘାତିକ ଅଭିଯୋଗ। ବ୍ୟବସାୟରେ ଶତୃତା କାରଣରୁ ତାଙ୍କ ପୁଅକୁ ହତ୍ୟା କରାଯାଇଥିବା ସେ ଅଭିଯୋଗ କରିଛନ୍ତି। ସେ କହିଥିଲେ ରାତିରେ କେହି ଜଣେ ଜଳୁଥିବାର ଦେଖି ନିଆଁ ଲିଭାଇବାକୁ ମୁଁ ପାଣି ଢାଳିଲି । ପରେ ଜାଣିଲେ ଯେ ଜଳୁଥିବା ପିଲାଟି ମୋ ପୁଅ ।

Published By: Santosh Kumar Sahoo

Last updated: 20 February 2025, 07:16 PM IST