ପ୍ରାଣପ୍ରତିଷ୍ଠା ପୂର୍ବରୁ ଗର୍ଭଗୃହକୁ ଆସୁଛନ୍ତି ରାମଲାଲା

ସରଜୁ ତଟରେ ମନ୍ତ୍ରପାଠ ସହ ଆଜି ଆରମ୍ଭ ହୋଇଥିଲା ଅଯୋଧ୍ୟାର ସକାଳ। ଅନୁଷ୍ଠିତ ହୋଇଥିଲା କଳସ ପୂଜନ। ଯଜମାନ ଥିଲେ ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟି ଅନୀଲ ମିଶ୍ର। ନୂଆ କଳସରେ ସରଜୁର ପବିତ୍ର ଜଳକୁ ଭରି ରାମମନ୍ଦିର ପରିସରକୁ ଆଣିଥିଲେ ଅଯୋଧ୍ୟାର ଶତାଧିକ ନାରୀ। ସରଜୁ ସହ ବିଭିନ୍ନ ତୀର୍ଥକ୍ଷେତ୍ରରୁ ଆସିଥିବା ଜଳରେ ଆସନ୍ତାକାଲି ହେବ ରାମଲାଲାଙ୍କ ଜଳାଧିବାସ ।

ଏପଟେ ମନ୍ଦିରରେ ଗତକାଲି ପ୍ରାୟଶ୍ଚିତ ଓ କର୍ମକୁଟି ପୂଜନ ହୋଇଥିବା ବେଳେ, ଆଜି ପ୍ରଥମ ଥର ପାଇଁ ନବନିର୍ମିତ ମନ୍ଦିରର ଗର୍ଭଗୃହରେ ହୋଇଛି ପୂଜାର୍ଚ୍ଚନା। ରାମଲାଲା ବିରାଜମାନ ହେବା ଆଗରୁ ବିଧି ମୁତାବକ ସିଂହାସନ ପରିକ୍ରମା କରି ପୂଜାର୍ଚ୍ଚନା ଓ ଆଳତୀ କରିଛନ୍ତି ପୂଜକ ସୁନୀଲ ଦାସ।

Published By: Santosh Kumar Sahoo

Last updated: 17 January 2024, 10:15 PM IST