ପୁଣି ସେହି ଅଘଟଣ, ପୁଣି ସେହି ବାଣ ବିସ୍ଫୋରଣ

ପୁଣି ସେହି ଅଘଟଣ । ପୁଣି ସେହି ବାଣ ବିସ୍ଫୋରଣ । କେହି କିଛି ଭାବିବା ପୂର୍ବରୁ ବାଣ ନେଇଗଲା ଚାରି ଚାରି ଜଣଙ୍କ ପ୍ରାଣ । ଖୋର୍ଦ୍ଧା ଜିଲ୍ଲା ଭୁଷଣ୍ଡପୁର ଗାଁରେ ଭୟଙ୍କର ବାଣ ବିସ୍ଫୋରଣରେ ଆଖିବୁଜି ଦେଇଛନ୍ତି ବାପା, ପୁଅଙ୍କ ସମେତ ୪ ଜଣ ବ୍ୟକ୍ତି । ବାଣ ଭିଡୁ ଭିଡୁ ୪ ଜଣ ଭିଡ଼ି ହୋଇଗଲେ ମରଣର କୋରଡ଼କୁ । ସାରା ଗାଁ ଏବେ ସ୍ତବ୍ଧ । ସମସ୍ତଙ୍କ ମନରେ ଆତଙ୍କ । ଗାଁର ଜନବସତି ଅଞ୍ଚଳରୁ ଅଧ କିଲୋମିଟର ଦୂରରେ ଥିବା ଏକ ଘରେ ଘଟିଥିଲା ଅଘଟଣ ।