ସନ୍‌ରାଇଜର ହାଇଦ୍ରାବାଦକୁ ହରାଇ ବିଜୟ ଅଭିଯାନ ଆରମ୍ଭ କଲା କୋଲକାତା

ଅବୁଧାବି: ଗତକାଲି ସନ୍‌ରାଇଜର ହାଇଦ୍ରାବାଦ ଓ କୋଲକାତା ମଧ୍ୟରେ ଅବୁଧାବିରେ ଖେଳାଯାଉଥିବା ଆଇପିଏଲ୍‌ ମ୍ୟାଚ୍‌ରେ କୋଲକାତା ବିଜୟୀ ହୋଇଛି। କେକେଆର୍‌ରେ ଓପନର ଶୁବମାନ ଗିଲଙ୍କ ଦମଦାର ୭୦ ଓ ଇଓନ ମୋର୍ଗାନଙ୍କ ବିସ୍ଫୋରକ ୪୨ ରନ୍‌ ବଳରେ କୋଲକାତା ନାଇଟ ରାଇଡର୍ସର ଚଳିତ ଆଇପିଏଲରେ ପ୍ରଥମଥର ବିଜୟୀ ହୋଇଛି। ସନ ରାଇଜର୍ସ ହାଇଦ୍ରାବାଦକୁ ୭ ୱିକେଟରେ ପରାସ୍ତ କରିଛି କେକେଆର୍‌। ତେବେ ଏହାକୁ ମିଶାଇ ହାଇଦ୍ରାବାଦର କ୍ରମାଗତ ଦୁଇଥର ପରାଜୟ ହୋଇଛି।

ପ୍ରଥମେ ବ୍ୟାଟିଂ କରି ହାଇଦ୍ରାବାଦ ୪ ୱିକେଟ ହରାଇ ୧୪୨ ରନ୍‌ କରିଥିଲା। ଏହାର ଜବାବରେ କୋଲକାତା ୧୮ ଓଭରରେ ୩ ୱିକେଟ ହରାଇ ଧାର୍ଯ୍ୟ ଟାର୍ଗେଟକୁ ହାସଲ କରି ନେଇଥିଲା।

କୋଲକାତା ବ୍ୟାଟିଂ ଆରମ୍ଭ କରିବା ପୂର୍ବରୁ ସୁନୀଲ ନାରିନଙ୍କୁ ଆଉଟ୍‌ ହୋଇଥିଲେ। ଖାତା ଖୋଲିବା ପୂର୍ବରୁ  ନାରିନଙ୍କୁ ଖଲୀଲ ଅହମ୍ମଦଙ୍କ ଆଉଟ୍‌ କରିଥିଲେ। ଏହାପରେ ନୀତୀଶ ରାଣା ଓ ଗିଲ ସ୍ଥିତି ସମ୍ଭାଳିବା ସହ ଦଳୀୟ ସ୍କୋରକୁ ୪୩ରେ ପହଞ୍ଚାଇଥିଲେ। ଏହି ସମୟରେ ଟି ନଟରାଜନ ୨୬ ରନ୍‌ କରିଥିବା ରାଣାଙ୍କୁ ଆଉଟ କରି ଦେଇଥିଲେ।