T20 World Cup Jolt for Australia: ଅଷ୍ଟ୍ରେଲିଆ ଦଳକୁ ଝଟକା, T20 ବିଶ୍ୱକପରୁ ବାଦ ପଡିଲେ ପ୍ୟାଟ୍ କମିନ୍ସଙ୍କ ସମେତ ୨ ଖେଳାଳି

ଟି-୨୦ ବିଶ୍ୱକପ୍ ପୂର୍ବରୁ ଅଷ୍ଟ୍ରେଲିଆ ଦଳକୁ ଏକ ବଡ଼ ଝଟକା ଲାଗିଛି। ଅଭିଜ୍ଞ ପ୍ୟାଟ୍ କମିନ୍ସ ଆଘାତ ଯୋଗୁଁ ଆଗାମୀ ଟି-୨୦ ବିଶ୍ୱକପ୍ ରୁ ବାଦ ପଡ଼ିଛନ୍ତି ଏବଂ ତାଙ୍କ ସ୍ଥାନରେ ଅଷ୍ଟ୍ରେଲିଆ ଦଳରେ ବେନ୍ ଦ୍ୱାରସୁଇସ୍ ସ୍ଥାନ ପାଇବେ। କମିନ୍ସ ପିଠି ଆଘାତରୁ ସୁସ୍ଥ ହୋଇନାହାନ୍ତି । ଏହା ତାଙ୍କୁ ଆସେସ୍ ସିରିଜ୍ ସମୟରେ କେବଳ ଗୋଟିଏ ଟେଷ୍ଟ ଖେଳିବାକୁ ସୀମିତ କରିଥିଲା।

ପ୍ୟାଟ୍ କମିନ୍ସଙ୍କ ବ୍ୟତୀତ ଖରାପ ଫର୍ମ ଯୋଗୁଁ ମ୍ୟାଟ୍ ସର୍ଟଙ୍କୁ ମଧ୍ୟ ଦଳରୁ ବାଦ ଦିଆଯାଇଛି। ଏହି ଦୁଇଜଣଙ୍କ ସ୍ଥାନରେ ବେନ୍ ଦ୍ୱାରସୁଇସ୍ ଏବଂ ମ୍ୟାଟ୍ ରେନଶା ସ୍ଥାନ ପାଇବେ । ସେମାନେ ଫେବୃଆରୀ ୧୧ ତାରିଖରେ ବିଶ୍ୱକପର ପ୍ରଥମ ମ୍ୟାଚ୍ ପୂର୍ବରୁ ପ୍ରସ୍ତୁତି ମ୍ୟାଚ୍ ପାଇଁ ଅଷ୍ଟ୍ରେଲିଆ ଦଳ ସହିତ ପାକିସ୍ତାନରେ ଅଛନ୍ତି।

T-20ରେ ନେଇଛନ୍ତି ୫୦ ୱିକେଟ୍ 

କମିନ୍ସଙ୍କ ସ୍ଥାନରେ ବେନ୍ ଦ୍ୱାରସୁଇସଙ୍କୁ ଦଳରେ ସାମିଲ କରାଯାଇଛି। ବେନ୍ ଦ୍ୱାରସୁଇସ୍ ଜଣେ ବାମହାତୀ ଦ୍ରୁତ ବୋଲର ଏବଂ ନିମ୍ନ କ୍ରମରେ ମଧ୍ୟ ବ୍ୟାଟିଂ କରନ୍ତି। ବେନ୍ ଦ୍ୱାରସୁଇସ୍ ଏପର୍ଯ୍ୟନ୍ତ ୧୩ T-20 ଅନ୍ତର୍ଜାତୀୟ ମ୍ୟାଚରେ ୫୦ ୱିକେଟ୍ ନେଇଛନ୍ତି। ଷ୍ଟିଭ୍ ସ୍ମିଥ୍ ମଧ୍ୟ ବିଶ୍ୱକପ୍ ଦଳରେ ସାମିଲ ହୋଇନାହାଁନ୍ତି।

ଉଲ୍ଲେଖନୀୟ ଯେ ଅଷ୍ଟ୍ରେଲିଆ ଦଳ ଫେବୃଆରୀ ୧୧ରେ କଲମ୍ବୋରେ ଆୟର୍ଲାଣ୍ଡ ବିପକ୍ଷରେ T-20 ବିଶ୍ୱକପ୍ ରେ ପ୍ରଥମ ମ୍ୟାଚ୍ ଖେଳିବ। ୨୦୨୬ T-20 ବିଶ୍ୱକପରେ ଅଷ୍ଟ୍ରେଲିଆକୁ ଗ୍ରୁପ୍ - B ରେ ରଖାଯାଇଛି। ଏହି ଗ୍ରୁପରେ ଅଷ୍ଟ୍ରେଲିଆ ସହିତ ଶ୍ରୀଲଙ୍କା, ଜିମ୍ବାୱେ, ଆୟର୍ଲାଣ୍ଡ ଏବଂ ଓମାନର ଦଳ ଅଛନ୍ତି। 

ଅଷ୍ଟ୍ରେଲିଆର T-20 ବିଶ୍ୱକପ୍ ଦଳ

 ମିଚେଲ ମାର୍ଶ (ଅଧିନାୟକ), ଜାଭିୟର ବାର୍ଟଲେଟ୍, କୁପର କନୋଲି, ଟିମ୍ ଡେଭିଡ୍, ବେନ୍ ଦ୍ୱାରସୁଇସ୍ , କାମେରୁନ୍ ଗ୍ରୀନ୍, ନାଥନ୍ ଏଲିସ୍, ଜୋଶ୍ ହାଜେଲଉଡ୍, ଟ୍ରାଭିସ୍ ହେଡ୍, ଜୋଶ୍ ଇଙ୍ଗଲିସ୍, ମ୍ୟାଟ୍ କୁହ୍ନେମାନ, ଗ୍ଲେନ୍ ମ୍ୟାକ୍ସୱେଲ୍, ମ୍ୟାଟ୍ ରେନଶା, ମାର୍କସ୍ ଷ୍ଟୋଇନିସ୍, ଆଡାମ ଜାମ୍ପା ।