Nuapada Bypoll: ନୂଆପଡ଼ା ଉପନିର୍ବାଚନ, ସବୁ ବୁଥରେ ରହିବ ଏହି ବ୍ୟବସ୍ଥା

ନଭେମ୍ବର ୧୧ ତାରିଖରେ ନୂଆପଡ଼ା ଉପନିର୍ବାଚନ । ଏନେଇ ଆଜି ନୂଆଦିଲ୍ଲୀ ବିଜ୍ଞାନ ଭବନରେ ତାରିଖ ଘୋଷଣା କରିଛନ୍ତି ମୁଖ୍ୟ ନିର୍ବାଚନ କମିଶନର । ନଭେମ୍ବର ୧୪ ତାରିଖରେ ଭୋଟ ଗଣତି ହେବ । ଏହା ସହ ଆସନ୍ତା ୧୩ରେ ଏନେଇ ପ୍ରକାଶ ପାଇବ ଉପନିର୍ବାଚନ ଲାଗି ବିଜ୍ଞପ୍ତି ।

ଅକ୍ଟୋବର ୨୦ ନାମାଙ୍କନ ଦାଖଲର ଶେଷ ତାରିଖ ରହିଥିବା ବେଳେ ଅକ୍ଟୋବର ୨୨ରେ ଯାଞ୍ଚ, ୨୪ ନାମାଙ୍କନ ପ୍ରତ୍ୟାହାର ଶେଷ ତାରିଖ ରହିଛି । ନୂଆପଡ଼ା ଉପନିର୍ବାଚନ ନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ମଧ୍ୟ ସୂଚନା ଦେଇଛନ୍ତି । ନୂଆପଡ଼ାର ସବୁ ବୁଥ୍ ରେ ୱେବକାଷ୍ଟିଂ ହେବ ବୋଲି CEO ସୂଚନା ଦେଇଛନ୍ତି ।

ଆସନ୍ତା ୧୦ ତାରିଖ ପର୍ଯ୍ୟନ୍ତ ଭୋଟର ନିଜ ନାମ ଯୋଡ଼ି ପାରିବେ । ଏଥର ପୋଲିଂ ଷ୍ଟେସନ ସଂଖ୍ୟା ୩୫୮ ରହିଥିବା ବେଳେ ସେଥି ମଧ୍ୟରେ ରହିଛି ନୂଆ ୫୬ଟି ପୋଲିଂ ଷ୍ଟେସନ । 

ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାର ସୋମବାର ନିର୍ବାଚନ ତାରିଖ ଘୋଷଣା କରିଛନ୍ତି। ବିହାରରେ ନିର୍ବାଚନ ଦୁଇଟି ପର୍ଯ୍ୟାୟରେ ଅନୁଷ୍ଠିତ ହେବ । ପ୍ରଥମ ପର୍ଯ୍ୟାୟ ନଭେମ୍ବର ୬ ଏବଂ ଦ୍ୱିତୀୟ ପର୍ଯ୍ୟାୟଟି ନଭେମ୍ବର ୧୧। ଫଳାଫଳ ନଭେମ୍ବର ୧୪ ରେ ଘୋଷଣା କରାଯିବ। ବିହାରରେ ୨୪୩ ବିଧାନସଭା ଆସନ ଅଛି। ମୁଖ୍ୟ ନିର୍ବାଚନ କମିଶନର ଗତ ଦୁଇ ଦିନ ଧରି ବିହାର ଗସ୍ତ କରିଥିଲେ ଏବଂ ସମସ୍ତ ରାଜନୈତିକ ଦଳଙ୍କ ସହିତ ବୈଠକ କରିଥିଲେ। ବିହାର ବିଧାନସଭାର କାର୍ଯ୍ୟକାଳ ନଭେମ୍ବର ୨୨ରେ ଶେଷ ହେଉଛି।

 ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାର କହିଛନ୍ତି ଯେ ଭୋଟର ତାଲିକା ସେପ୍ଟେମ୍ବର ୩୦ ତାରିଖରେ ପ୍ରକାଶିତ ହୋଇଥିଲା, କିନ୍ତୁ ଯେକୌଣସି ତ୍ରୁଟି କିମ୍ବା ବାଦ ପଡ଼ିଲେ ନାମାଙ୍କନ ଦାଖଲର ୧୦ ଦିନ ପୂର୍ବରୁ ସଂଶୋଧନ କରାଯାଇପାରିବ। ସେ କହିଛନ୍ତି ଯେ ଏଥର ବିହାର ନିର୍ବାଚନ ବହୁତ ସହଜ ହେବ ଏବଂ ଭୋଟରଙ୍କ ସୁବିଧା ପ୍ରତି ବିଶେଷ ଧ୍ୟାନ ଦିଆଯାଇଛି।

୩୦ ସେପ୍ଟେମ୍ବର ୨୦୨୫ ସୁଦ୍ଧା ବିହାରରେ ମୋଟ ଭୋଟରଙ୍କ ସଂଖ୍ୟା ୭୪.୩ ନିୟୁତରେ ପହଞ୍ଚିଛି। ନିର୍ବାଚନ କମିଶନଙ୍କ ଅନୁଯାୟୀ, ବିହାରରେ ୭୪.୩ ନିୟୁତ ଭୋଟର ଅଛନ୍ତି, ଯେଉଁଥିରେ ୩୯.୨ ନିୟୁତ ପୁରୁଷ ଭୋଟର, ୩୫.୦ ନିୟୁତ ମହିଳା ଭୋଟର ଏବଂ ୧,୭୨୫ ଟ୍ରାନ୍ସଜେଣ୍ଡର ଭୋଟର ଅଛନ୍ତି। ୧୮ ରୁ ୧୯ ବର୍ଷ ବୟସର ୧୪.୦୧ ନିୟୁତ ଭୋଟର ପ୍ରଥମ ଥର ପାଇଁ ଭୋଟ ଦେବେ।