Advertisment

ଧର୍ମ Photo Gallery

Sixteen-Day Ritual Worship: ରାଜ୍ୟର ବିଭିନ୍ନ ଦେବୀ ପୀଠରେ ଷୋଡ଼ଶ ଦିନାତ୍ମକ ପୂଜା ଆରମ୍ଭ, ମହାଷ୍ଟମୀ ପର୍ଯ୍ୟନ୍ତ ଚାଲିବ

ଆଶ୍ୱିନ ମାସ ମୂଳାଷ୍ଟମୀ ଠାରୁ ବିଭିନ୍ନ ଶକ୍ତି ପୀଠରେ ଆରମ୍ଭ ହୋଇଛି ଷୋଡ଼ଶ ଦିନାତ୍ମକ ପୂଜା । ଏହି ପୂଜା ମହାଷ୍ଟମୀ ପର୍ଯ୍ୟନ୍ତ ଚାଲିବ । ଏହାକୁ ନେଇ ଚଳଚଞ୍ଚଳ ହୋଇ ଉଠିଛି ଓଡ଼ିଶାର ବିଭିନ୍ନ ଶକ୍ତି ପୀଠ ।

author-image

Tapan Kumar Swain

14 Sep 2025 20:11 IST

Maa Charchika

1/10

ଓଡ଼ିଶାର ଅନ୍ୟତମ ଶକ୍ତିପୀଠ ବାଙ୍କୀ ସ୍ଥିତ ମା’ ଚର୍ଚ୍ଚିକାଙ୍କ ପୀଠରେ ଆରମ୍ଭ ହୋଇଛି ଷୋଡ଼ଶ ଦିନାତ୍ମକ ପୂଜା । ମଙ୍ଗଳ ଆଳତି କରାଯାଇ ମହାନଦୀରୁ ୧୦୮ ଗରା ଜଳ ଅଣାଯାଇ ମାଆଙ୍କୁ ସ୍ନାନ କରାଯାଇଥିଲା । ସୂର୍ଯ୍ୟ ପୂଜା ପରେ କଳସ ପୂଜା କରାଯାଇଥିଲା ।

2/10

ମାଆଙ୍କ ଆଳତି ବେଳେ ଘଣ୍ଟଘଣ୍ଟା ବାଦ୍ୟରେ ଅଞ୍ଚଳ ପ୍ରକମ୍ପିତ ହୋଇଉଠେ । ଶ୍ରଦ୍ଧାଳୁଙ୍କ ଭିଡ଼ ଜମେ ।

3/10

ଜଗତସିଂହପୁର ଜିଲା ଝଙ୍କଡ଼ସ୍ଥିତ ମାଆ ଶାରଳାଙ୍କ ପୀଠରେ ଆରମ୍ଭ ହୋଇଛି ପାର୍ବଣ ପୂଜା । ମାଆ ଜଗତ ଜନନୀଙ୍କୁ ବିଭିନ୍ନ ଦିନରେ ବିଭିନ୍ନ ବେଶରେ ସୁସଜିତ କରାଯାଇ ପୂଜା କରାଯିବ ।

4/10

ମାଆଙ୍କ ଆଶିଷ ନେବାକୁ ମନ୍ଦିରକୁ ଛୁଟିଛି ଶ୍ରଦ୍ଧାଳୁଙ୍କ ସୁଅ । ଆଳତି ବେଳେ ବାଜୁଛି କାହାଳୀ ବାଦ୍ୟ ।

5/10

ମହାପ୍ରଭୁ ଚତୁର୍ଦ୍ଧାମୂର୍ତ୍ତିଙ୍କ ଆଦ୍ୟ କ୍ଷେତ୍ର ବା ପ୍ରସିଦ୍ଧ ଶକ୍ତି ପୀଠ କାକଟପୁରର ଅଧିଷ୍ଠାତ୍ରୀ ଦେବୀ ପରମ ବୈଷ୍ଣବୀ ମାଆ ମଙ୍ଗଳା । ମୂଳାଷ୍ଟମୀରେ ସହସ୍ର କୁମ୍ଭାଭିଷେକ ପରେ ମାଆଙ୍କ ନିକଟରେ ଆରମ୍ଭ ହୋଇଛି ସ୍ୱତନ୍ତ୍ର ଷୋଡଶ ଉପଚାର ପୂଜା ନୀତି।

6/10

ମାଆ ମଙ୍ଗଳାଙ୍କ ପୀଠରେ ଶ୍ରଦ୍ଧାଳୁଙ୍କ ଭିଡ । କରୁଛନ୍ତି ମାଆଙ୍କ କୃପା ଭିକ୍ଷା ।

7/10

ଯାଜପୁରରେ ଦୁର୍ଗା ରୂପରେ ପୁଜା ପାଉଛନ୍ତି ମାଆ ବିରଜା । ଶାରଦୀୟ ଦୁର୍ଗୋତ୍ସବ ଲାଗି ପୀଠ ଉତ୍ସବମୁଖର ହୋଇପଡିଛି ।

8/10

ଦୁର୍ଗାପୂଜାରେ ମାଆ ବିରଜା ରଥରେ ନବଦିନ ବିଜେ କରି ମହିଷାସୁରକୁ ବଧ କରିବା ପରମ୍ପରା ବିରଳ । ମାଆଙ୍କର ଏହି ଶାରଦୀୟ ଉତ୍ସବ ଲାଗି ଖାଲି ଯାଜପୁର କାହିଁକି ଜିଲ୍ଲା ତଥା ରାଜ୍ୟ ବାହାରୁ ଶ୍ରଦ୍ଧାଳୁ ମାନେ ଆସିଥାନ୍ତି ମାଆଙ୍କୁ ଦୁର୍ଗା ରୂପରେ ପୂଜା ଓ ଦର୍ଶନ କରିବାକୁ ।

9/10

ଗଞ୍ଜାମ ଜିଲ୍ଲାର ଅଧିଷ୍ଠାତ୍ରୀ ଦେବୀ ମାଆ ତାରାତାରିଣୀଙ୍କ ପୀଠରେ ଆରମ୍ଭ ହୋଇଛି ଷୋଡ଼ଶ ଉପଚାର ପୂଜା । ସେବାୟତ ପରିବାରର ମହିଳାମାନେ ଋଷିକୂଲ୍ୟା ନଦୀରୁ ଜଳ ନେଇ ୯୯୯ ପାହାଚ ଚଢ଼ି ପହଞ୍ଚିବା ପରେ ମଣ୍ଡପରେ ସ୍ନାନ କରିଥିଲେ ମାଆ ତାରାତାରିଣୀ l

10/10

ପାହାଡ଼ ଉପରେ ଅବସ୍ଥିତ ମାଆଙ୍କ ମନ୍ଦିରର ନିର୍ମାଣ ଶୈଳୀ ଭିନ୍ନତା ବହନ କରେ । ପ୍ରତିଦିନ ଚଣ୍ଡୀପାଠ, ହୋମ, ଯଜ୍ଞ ସହ ସ୍ୱତନ୍ତ୍ର ପୂଜା ଅନୁଷ୍ଠିତ ହୁଏ । ପୂର୍ବରୁ ପ୍ରଚଳିତ ବଳି ପରମ୍ପରା ଏବେ ବିଧି ରକ୍ଷା ପାଇଁ ପାଳନ କରାଯାଉଛି l

Ritual Maa Biraja Unique Rituals Maa Taratarini

Advertisment

Advertisment