ନୟାଗଡ଼ ନାବାଳିକା ମୃତ୍ୟୁ ମାମଲା : ଜବାବ ଦାଖଲ ପାଇଁ ରାଜ୍ୟ ସରକାରଙ୍କୁ ୪ସପ୍ତାହ ମହଲତ ଦେଲେ ସୁପ୍ରିମକୋର୍ଟ

ନୟାଗଡ଼: ବହୁ ଚର୍ଚ୍ଚିତ ନୟାଗଡ଼ ଯଦୁପୁର ନାବାଳିକା ହତ୍ୟା ମାମଲା ରେ ଜବାବ ଦାଖଲ ପାଇଁ ରାଜ୍ୟ ସରକାରଙ୍କୁ ମହଲତ ଦେଲେ ସୁପ୍ରିମକୋର୍ଟ। ସତ୍ୟପାଠ ଦାଖଲ ପାଇଁ ରାଜ୍ୟ ସରକାରଙ୍କୁ ୪ ସପ୍ତାହ ସମୟ ଦେଲେ ସର୍ବୋଚ୍ଚ ନ୍ୟାୟାଳୟ। ପୂର୍ବରୁ ଘଟଣାର ସିବିଆଇ ତଦନ୍ତ ଦାବି କରି ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ ନାବାଳିକାର ମା ସୌଦାମିନି ସାହୁ। ମାମଲାର ନିରପେକ୍ଷ ତଦନ୍ତ କରାଯାଉ ବୋଲି ଦାବି କରି ସୁପ୍ରିମକୋର୍ଟରେ ରିଟ୍ ପିଟିସନ ଦାଖଲ କରିଥିଲେ।

#ପରୀ_ମାମଲା#ରାଜ୍ୟକୁ_୪_ସପ୍ତାହ
ବହୁ ଚର୍ଚ୍ଚିତ ନୟାଗଡ଼ ଯଦୁପୁର ନାବାଳିକା ପରୀ ହତ୍ୟା ମାମଲାରେ ଜବାବ ଦାଖଲ ପାଇଁ ରାଜ୍ୟ ସରକାରଙ୍କୁ ମହଲତ ଦେଲେ ସୁପ୍ରିମକୋର୍ଟ। ସତ୍ୟପାଠ ଦାଖଲ ପାଇଁ ରାଜ୍ୟ ସରକାରଙ୍କୁ ୪ ସପ୍ତାହ ସମୟ ଦେଲେ କୋର୍ଟ। ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ପରୀର ମା ସୌଦାମିନି ସାହୁ#Odisha#ParimurderCasepic.twitter.com/xR0ZCgaOWf

— ଓଟିଭି (@otvkhabar) February 22, 2021

ଜାନୁଆରୀ ୧୩ ତାରିଖରେ ଏହି ମାମଲାର ଶୁଣାଣି କରି ସୁପ୍ରିମକୋର୍ଟ ସିବିଆଇ ଓ ଓଡ଼ିଶା ସରକାରଙ୍କୁ ନୋଟିସ ଜାରି କରିଥିଲେ । ସେପଟେ ଗତ ୧୮ ତାରିଖରେ ହତ୍ୟାକରୀ, ନାବାଳିକାକୁ ହତ୍ୟା କରିଥିବା ନେଇ ନିଜ ସ୍ୱୀକାରୋକ୍ତି କରିଥିଲା। କେମିତି ‘ନାବାଳିକାକୁ’ ହତ୍ୟା କରିଥିଲା ଏ‍ଂ କେମିତି ମୃତଦେହ ଲୁଚାଇବାକୁ ଷଡ଼ଯନ୍ତ୍ର ରଚିଥିଲା ସବୁ କଥା ନିଜେ ଅଭିଯୁକ୍ତ ସତ ମାନିଥିଲା । ପରୀକୁ ତଳେ ପକାଇ କୁନି ଝିଅର ତଣ୍ଟି ଚିପି ମାରିବା ସହ କାନ୍ଥ ଉପରେ ଥିବା ଏକ ଝୋଟ ଅଖାରେ ପୂରାଇ ବାଡ଼ି ପଛପଟେ ପୋଖରୀ କୂୂଳରେ ପରୀର ମୃତଦେହକୁ ଫୋପାଡ଼ି ଦେଇଥିବା କଥା ମଧ୍ୟ କହିଥିଲା  ।