ରାଜଧାନୀରେ ଜମୁଛି ପାର୍କ ଉତ୍ସବ

ଭୁବନେଶ୍ୱର : ପଥ ଉତ୍ସବ ପରେ ରାଜଧାନୀରେ ପାର୍କ ଉତ୍ସବ । ଦ୍ୱିତୀୟ ରବିବାରରେ ଆଜି ଫରେଷ୍ଟ ପାର୍କ ଓ ବୁଦ୍ଧ ପାର୍କରେ ଦେଖିବାକୁ ମିଳିଥିଲା ରଙ୍ଗାରଙ୍ଗ କାର୍ଯ୍ୟକ୍ରମ।  ଯେଉଁଥିରେ ନାଚ,ଗୀତ ସାଙ୍ଗକୁ ଯୋଗ, ବ୍ୟାୟାମ, ପ୍ଲାଷ୍ଟିକ ନିଷେଧ ପାଇଁ ସଚେତନତା, ସାଇକେଲିଂ ପାଇଁ ସାଧାରଣରେ ସଚେତନତା ସାଙ୍ଗକୁ ପେଣ୍ଟିଂ  କରାଯାଇଥିଲା ।

କୁନି କୁନି ପିଲା ମାନଙ୍କ ଦ୍ୱାରା ସୁନ୍ଦର ଚିତ୍ରାଙ୍କନ ସହିତ ହେଲ୍‌ଥ ଚେକ୍ଅପ୍‌ ମଧ୍ୟ କରାଯାଇଥିଲା । ପ୍ରାରମ୍ଭିକ ପର୍ଯ୍ୟାୟରେ ରାଜଧାନୀରେ ୭ ସପ୍ତାହ ପର୍ଯ୍ୟନ୍ତ ଏହି ଉତ୍ସବ ଅନୁଷ୍ଠିତ ହେବ । ସନ୍‌ଡେକୁ ଫନ୍ ଡେ କରିବା ପାଇଁ ପ୍ରତି ରବିବାର ସକାଳ ୭ଟାରୁ ୯ ଟା ପର୍ଯ୍ୟନ୍ତ ସହରରେ ଥିବା ବିଭିନ୍ନ ପାର୍କରେ ଏହି ଉତ୍ସବ ହେବ।  ସେପଟେ ପଥ ଉତ୍ସବ ପରେ ପାର୍କ ଉତ୍ସବକୁ ଲୋକେ ସ୍ୱାଗତ କରିଛନ୍ତି।