ପିଆଜକୁ ନେଇ ଚର୍ଚ୍ଚା , ସୋଶାଲ୍ ମିଡ଼ିଆରେ ପିଆଜ ଗୀତ ଭାଇରାଲ୍

କଟକ (ପ୍ରଭାତ ବିଷୋୟୀ ) : ପିଆଜକୁ ନେଇ ଏବେ ଚାରିଆଡ଼େ ଚର୍ଚ୍ଚା । ପିଇାଜ ଦର ୧୦୦ ଛୁଇଁବା ପରେ ଏବେ ଚିନ୍ତାରେ ଖାଉଠି। ପିଆଜ ନା ଶୁଣିଲେ ଆଖିରୁ ଲୁହ ବାହାରୁଛି । ରୋଷେଇ ଘରୁ ଭୋଜି ଏବଂ ଅଧିକାଂଶ ହୋଟେଲରୁ ପିଆଜ ଉଭାନ ହୋଇଯାଇଛି । ତେବେ ଏପରି ଅବସ୍ଥାରେ ପିଆଜକୁ ନେଇ ଗୀତ ଏବେ ସାଧାରଣଲୋକଙ୍କ ବେଶ ପସନ୍ଦ ହୋଇଛି। ସୋଶାଲ ମିଡ଼ିଆରେ ଏହି ଗୀତ ଭାଇରାଲ ହେବାରେ ଲାଗିଛି।

ମାର୍କେଟରେ ମଧ୍ୟ ପିଆଜ ଝୁଡି ଖାଲି ରହିଛି। କୁଇଣ୍ଟାଲ କୁଇଣ୍ଟାଲ ବିକ୍ରି କରୁଥିବା ବ୍ୟବସାୟୀ ଏବେ ଦିନକୁ ୧୦ରୁ ୨୦କିଲୋ ବିକ୍ରି କରୁଛନ୍ତି। ଲୋକଙ୍କ ସୁବିଧା ପାଇଁ  ବିଭିନ୍ନ ସହରରେ ସରକାରଙ୍କ ତରଫରୁ ଖୁଚୁରା ବିକ୍ରିୟ କେନ୍ଦ୍ର ଖୋଲାଯାଇଛି । ହେଲେ ତାହା ସମୁଦ୍ରକୁ ଶଙ୍ଖେ ।

ସେପଟେ କାହିଁକି ସେଞ୍ଚୁରୀ ଛୂଇଁଲା ପିଆଜ ଦର, ତାକୁ ନେଇ ତିଆରି ହୋଇଛି ଓଡ଼ିଆ ଗୀତ । ଗୀତରେ ଗୀତରେ ରହିଛି ସାମାଜିକ ବାର୍ତ୍ତା । ଗୁରୁ ମ୍ୟୁଜିକରେ ତିଆରି ହୋଇଥିବା ଏହି ଗୀତକୁ ଲେଖିଛନ୍ତି ନିଜେ ଏନ୍ ଗୁରୁଦତ୍ତ। ନିଜେ ଜଣେ ପିଆଜ ବ୍ୟବସାୟୀ ହୋଇଥିବାରୁ ପିଆଜକୁ ନେଇ ତାଙ୍କର ଅଭିଜ୍ଞତାକୁ ଗୀତ ମାଧ୍ୟମରେ ପରିପ୍ରକାଶ କରିଛନ୍ତି । ତାଙ୍କୁ ସହଯୋଗ କରିଛନ୍ତି ସଂଗୀତ ନିର୍ଦେଶକ ଏସ. ଚନ୍ଦ୍ରକାନ୍ତ।

ସରକାରଙ୍କ କାଳିଆ ଯୋଜନା, ୫ଟଙ୍କିଆ ଭାତ ଡ଼ାଲମା, ୨ ଟଙ୍କିଆ ଚାଉଳ ଓ ଇନ୍ଦିରା ଆବାସ  ଆଦି ବିଭିନ୍ନ ଯୋଜନାକୁ ହରିଲୁଟ କରୁଥିବା ଧନୀ ତଥା ଅଯୋଗ୍ୟ ହିତାଧିକାରୀଙ୍କୁ ମଧ୍ୟ ଗୀତରେ ଗୀତରେ କରାଯାଇଛି ଟାର୍ଗେଟ।