CHSE: ଟିଉସନ୍ ଯିବେନି ଯୁକ୍ତ ଦୁଇ ପିଲା, CHSE ଆଣିଲା ଏଇ ବ୍ୟବସ୍ଥା

ଆଉ ଟ୍ୟୁସନ୍ ଯିବେନି ଯୁକ୍ତ ଦୁଇ ପିଲା ! CHSE କରୁଛି ନୂଆ ବ୍ୟବସ୍ଥା । AI ପଢ଼ାଇବ ପିଲାଙ୍କୁ ପାଠ, ପରୀକ୍ଷା ପାଇଁ ହେବେ ପ୍ରସ୍ତୁତି । ଯୁକ୍ତ ଦୁଇ ଶିକ୍ଷାରେ ପରିବର୍ତ୍ତନ ଆଣିବା ଲକ୍ଷ୍ୟ ନେଇ ଲୋକାର୍ପିତ ହୋଇଛି ସିଏଚଏସଇ ଓଡ଼ିଶା exam prepare ପୋର୍ଟାଲ । ଏଣିକି ଆଉ ଛାତ୍ରଛାତ୍ରୀଙ୍କୁ ଟିଉସନ ଯିବାକୁ ପଡିବନି । ଘରେ ବସି ଏଆଇ ଟୁଲ ଜରିଆରେ ପରୀକ୍ଷା ପ୍ରସ୍ତୁତି କରିପାରିବେ ଛାତ୍ରଛାତ୍ରୀ । ଏହି ପୋର୍ଟାଲରେ ଏଆଇ ସାହାଯ୍ୟରେ ସଂପୂର୍ଣ୍ଣ ସିଲାବସ ଆଧାରିତ ପ୍ରଶ୍ନପତ୍ର ଏଥରେ ଉପଲବ୍ଧ ରହିବ । 
ଛାତ୍ରଛାତ୍ରୀ ନିଜ ଆବଶ୍ୟକୀୟ ବିଷୟ ଆଧାରିତ ଅଭ୍ୟାସ ମଡ୍ୟୁଲ, ମକ୍ ପରୀକ୍ଷା ସହ ଜେଇଇ, ନିଟ୍, କ୍ଲାଟ ଭଳି ପ୍ରତିଯୋଗିତା ପାଇଁ ନିଜକୁ ପ୍ରସ୍ତୁତ କରିପାରିବେ । ଗ୍ରାମାଞ୍ଚଳରୁ ସହରାଞ୍ଚଳ ସମସ୍ତ ଛାତ୍ରଛାତ୍ରୀଙ୍କ ପାଇଁ ସମାନ ସୁବିଧା ମିଳିପାରିବ । ପରବର୍ତ୍ତୀ ସମୟରେ କଲେଜରେ ହେଉଥିବା ଇଣ୍ଟରନାଲ୍ ଆସେସମେଣ୍ଟ ପରିକ୍ଷାରେ ମଧ୍ୟ ଏଆଇ ସହଭାଗିତାରେ କରିବାର ଲକ୍ଷ ରଖିଛି ଉଚ୍ଚ ମାଧ୍ୟମିକ ଶିକ୍ଷା ପରିଷଦ । 
ପ୍ରଥମ ପର୍ଯ୍ୟାୟରେ ସାଇନ୍ସ ଓ କର୍ମସର ସମସ୍ତ ବିଷୟ ଏବଂ ଆର୍ଟସର କେତେକ ବିଷୟକୁ ଏଥିରେ ସାମିଲ କରାଯାଇଛି । ୧୫ଦିନରୁ ଏକ ମାସ ଭିତରେ ସମସ୍ତ ବିଷୟ ଏଥିରେ ଉପଲବ୍ଧ ହେବ । ଏଆଇ ଆଧାରିତ ଶିକ୍ଷା ଛାତ୍ରଛାତ୍ରୀଙ୍କୁ ନିଜର ଯୋଗ୍ୟତା ପରଖିବା ସହ ଅଧିକରୁ ଅଧିକ ଭାବରେ ନିଜ ପାଠକୁ ବୁଝିବାରେ ସାହାଯ୍ୟ କରିବ। ଅଭ୍ୟାସ ଓ ମକ୍ ଟେଷ୍ଟ ଦ୍ୱାରା ବିଭିନ୍ନ ଅଧ୍ୟାୟ ଓ ବିଷୟଭିତ୍ତିକ ଅଭ୍ୟାସ ପ୍ରଶ୍ନପତ୍ର ସହିତ ଉତ୍ତରର ଫଳାଫଳ ଟ୍ରାକିଂ ସୁବିଧା ପାଇପାରିବେ । ଏସବୁ ପାଇଁ ଛାତ୍ରଛାତ୍ରୀଙ୍କୁ ସହଯୋଗ କରିବ ଏଆଇ ମେଣ୍ଟର।ପରିଷଦର ଏଭଳି ନିଷ୍ପତିକୁ ସ୍ବାଗତ କରିଛନ୍ତି ଛାତ୍ରଛାତ୍ରୀ  । 
ଆଗକୁ କଲେଜ ମାନଙ୍କରେ ଏକା ସାଙ୍ଗରେ ଏଆଇ ପ୍ରଶ୍ନ ଆଧାରରେ ପରୀକ୍ଷା ପରିଚାଳନା କରିବାକୁ ଲକ୍ଷ୍ୟ ରଖିଛି ସିଏଚଏସଇ।

ଅଧିକ ଦେଖନ୍ତୁ: