' ମୋତେ ମଶାଣିକୁ ନେଲା ବେଳେ ଗୀତ ଗାଇ ଗାଇ ନେଲେ ମୁଁ ଅଧିକ ଖୁସି ହେବି '

ଓଡ଼ିଶାର କଶ୍ମୀର ଦାରିଙ୍ଗବାଡ଼ି ଠାରେ ଆୟୋଜିତ ଶୀତ ଉତ୍ସବର ଉଦଯାପନୀ ସନ୍ଧ୍ୟାରେ ସେ ଏହି କଥା କହିଥିଲେ। ଏହି ଉତ୍ସବରେ ପରିବହନ ମନ୍ତ୍ରୀ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଭଜନ ଗାଇ ଲୋକଙ୍କୁ ଶୁଣାଇଥିଲେ। ଯାହାର ଭିଡ଼ିଓ ଏବେ ଅଞ୍ଚଳରେ ବେଶ ଭାଇରାଲ ହେବାରେ ଲାଗିଛି।

ବିଭିନ୍ନ କାର୍ଯ୍ୟକ୍ରମରେ ପରିବହନ ମନ୍ତ୍ରୀ ଗୀତ ଗାଇ ଅଧିକ ଚର୍ଚ୍ଚାରେ ରହିଛନ୍ତି। ମନ୍ତ୍ରୀ ଭାବରେ ନିଜର କାର୍ଯ୍ୟ ତୁଲାଇବା ସହ ସେ ବିଭିନ୍ନ କାର୍ଯ୍ୟକ୍ରମରେ ଜଗନ୍ନାଥଙ୍କ ଭଜନ ଗାଇ ଉପସ୍ଥିତ ଲୋକଙ୍କ ପ୍ରିୟଭାଜନ ହେବାରେ ଲାଗିଛନ୍ତି। ଅନ୍ୟପଟେ ଭଜନ ହିଁ ତାଙ୍କର ଜୀବନ ବୋଲି ମନ୍ତ୍ରୀ କହିଛନ୍ତି।